काठमाडौं, १८ चैत्र । पूर्वगृहमन्त्री तथा कांग्रेस नेता रमेश लेखकलाई बयानका लागि प्रहरी परिसर काठमाडौं लगिएको छ ।
महाराजगन्जस्थित नेपाल प्रहरीको दुई नम्बर गणबाट लेखकलाई बयानका लागि परिसर लगिएको हो । पक्राउ परेका पूर्वगृहमन्त्री लेखकको परिसरमा बयान सुरु भएको सहन्यायाधिवक्ता रामहरि काफ्लेले जानकारी दिए ।
भदौ २३ र २४ गतेको घटनामा दमन गरेको आरोपमा जाँचबुझ आयोगको प्रतिवेदनमा सिफारिस भएअनुसार प्रहरीले उनलाई चैत १४ गते पक्राउ गरेको थियो ।
पूर्वप्रधानमन्त्री एवम् एमाले अध्यक्ष केपी शर्मा ओलीसँगै लेखक पनि पक्राउ परेका थिए । दुबैलाई अदालतबाट पाँच दिनको थुना म्याद लिएर अनुसन्धान प्रक्रिया चलिरहेको छ ।
प्रतिक्रिया दिनुहोस्