ललितपुर । ललितपुर निर्वाचन क्षेत्र नम्बर २ बाट राष्ट्रिय स्वतन्त्र पार्टीका उम्मेदवार जगदीश खरेल प्रतिनिधिसभा सदस्यमा विजयी भएका छन्।
आइतबार सार्वजनिक अन्तिम मतपरिणामअनुसार खरेलले ३९ हजार ४९१ मत प्राप्त गर्दै शानदार जीत हासिल गरेका हुन्। उनका निकटतम प्रतिस्पर्धी प्रेमकृष्ण महर्जन (नेपाली कांग्रेस) ले ७ हजार ४२० मत प्राप्त गरेका छन्।
त्यसैगरी उज्यालो नेपाल पार्टीका राजाराम तण्डुकारले ५ हजार ५४७ मत प्राप्त गर्दा नेपाल कम्युनिस्ट पार्टी (एमाले)का प्रेमबहादुर महर्जनले ४ हजार ५३६ मत पाएका छन्।
अन्य उम्मेदवारमध्ये राष्ट्रिय प्रजातन्त्र पार्टीका रघुवरराज थापाले १ हजार ७६०, नेपाल कम्युनिस्ट पार्टीका राजेन्द्र अमात्यले १ हजार २१७ तथा श्रम संस्कृति पार्टीका सरोज राईले ६०८ मत प्राप्त गरेका छन्।
यसैगरी नेपाल मजदुर किसान पार्टीकी चिरी मैया महर्जनले २०७ मत, स्वतन्त्र उम्मेदवार उमङ्ग केसीले ९९ मत तथा नेपाल कम्युनिस्ट पार्टी (माओवादी)का अष्टराज बज्राचार्यले ८७ मत प्राप्त गरेका छन्।
ललितपुर–२ मा खरेलले ठूलो मतान्तरसहित जित हासिल गर्दै रास्वपालाई थप मजबुत बनाएका छन्।
प्रतिक्रिया दिनुहोस्