काठमाडौं, १९ फागुन । भक्तपुरमा राइफलसहित एक जना पक्राउ परेका छन्।
भक्तपुर गोरखा पालुङटार नगरपालिका वडा नं. ९ घर भई हाल भक्तपुर जिल्ला सूर्यविनायक नगरपालिका वडा नं. ८ भुम्डोल बस्ने वर्ष ३१ का आयन सेढाईलाई ए८८९६ नम्बरको इन्सास राइफलसहित आज प्रहरीले पक्राउ गरेको छ ।
उनीबाट एस.एल.आर. राइफलको राउण्ड ४ थान, प्लास्टिक राउण्ड १ थान, सटगनमा लाग्ने राउण्ड १ थान, खुकुरी १ थान, खुकुरीको दाप २ थान, बन्चरो १ थान, लागूऔषधमा प्रयोग गर्ने सिरिन्ज ५ थान बरामद गरेको प्रहरीले जनाएको छ।
उनलाई विहान ९ बजे पक्राउ गरेको जिल्ला प्रहरी परिसर भक्तपुरले जनाएको छ। उनीमाथि थप अनुसन्धान कार्य भइरहेको परिसरका डिएपी प्रकाश जबेगूले बताए।
प्रतिक्रिया दिनुहोस्