सर्लाही, १५ चैत । नेपाल आर्मी को त्रिभुवन आर्मी क्लव राजर्षी जनक कप फुटवल प्रतियोगिताको फाईनल खेल मा प्रवेश गरेको छ ।

गत चैत्र ८ गते बाट सर्लाहीको बागमती स्टेडियममा आज भएको खेलमा सरस्वती युवा क्लवलाई १को विरुद्ध २ गोल गर्दै नेपाल आर्मी क्लब फाईनल मा प्रवेश गरेको हो ।

आर्मीको जितका लागि थप गरिएको ३ मिनेटको इंन्जुरी समयमा आर्मीका जर्ज प्रिन्स कार्कीले गोल गर्दै आर्मीलाई जित दिलाउन सफल भए। अब आर्मीको भेट १७ गते हुने फाईनलमा सुरदुरपश्चिम ११ सँग उपाधिका उचाल्नका लागि हुनेछ ।

सुदुर पश्चिम ११ ले बुधबार भएको खेलमा व्वोईज यूनियनलाई शून्यका विरुद्ध २ गोल गर्दै फाईनलमा प्रवेश गरेको थियो ।

सर्लाहीकै सर्वाधिक पुरस्कार राशि भएको प्रतियोगितामा १० टीमको सहभागिता रहेको छ ।प्रतियोगिताका विजेता टिमले नगद ५ लाख सहित राजर्षि जनक रनिङ शिल्ड, मेडल र प्रमाण पत्र तथा उपविजेताले नगद ३ लाख सहित सिल्ड मेडल तथा प्रमाण पत्र प्रप्त गर्ने आयोजकले जनाएको छ ।