काठमडौं २ फागुन । अमरिकी राष्ट्रपति डोनाल्ड ट्रम्प र भारतका प्रधानमन्त्री नरेन्द्र मोदी बीच दुइपक्षीय वार्ता सम्पन्न भएको छ । दुई पक्षीय बैठकपछि राष्ट्रपति ट्रम्पले रिपोर्टरलाई भने, उनीहरू व्यापार, तेल र ग्यास जस्ता विषयमा सहमति गरेका छन् ।ं ट्रम्पले भने, यस वर्ष संयुक्त राज्य अमेरिकाले भारतसँग सैन्य बिक्री “धेरै अर्ब” डलरले बढाउनेछ। ट्रम्पले आफ्नो प्रशासनले २००८ मुम्बई आतंकवादी आक्रमणका “साजिशकर्ता” मध्ये एकको प्रत्यर्पण स्वीकृत गरेको जानकारी दिए ।
ट्रम्पले बाइडेन प्रशासनलाई भारत र संयुक्त राज्य अमेरिकाबीचको व्यापारिक सम्बन्धमा रहेको “दीर्घकालीन असमानताहरू”को ध्यान नदिएकोमा भन्दै आलोचना समेत गरे। उनले दुई देशको सम्बन्ध अहिले सबैभन्दा राम्रो अवस्थामा छ। राष्ट्रपति ट्रम्पले भारतलाई ँ(घछ स्टिल्थ फाइटर प्रदान गर्नका लागि “मार्ग प्रशस्त” गर्ने जानकारी दिए ।

‘हाम्रो धारणा जो कोही अरू कुनै देशमा अनधिकृत रूपमा प्रवेश गर्छ, तिनलाई त्यो देशमा बस्ने कुनै अधिकार छैन,’ प्रधानमन्त्री मोदीले आप्रवासी का बारेमा सोधेको प्रश्नमा ट्रम्पकै लयमा जबाफ दिए । उनलाई ट्रम्पले भारतमा अनधिकृत आप्रवासीहरूलाई देश निकाला गरेको बारे सोधिएको थियो ।
ट्रम्प प्रशासनले हालै भारतमा अवैध आप्रवासीहरूलाई सैन्य उडानमार्फत भारत फर्काइदिएको थियो, त्यसले भारतमा विरोध बढाएको छ ।

ट्रम्पले आफ्नो पहिलो कार्यकालको अन्त्यमा भने, ‘मैले आज जुन नयाँ ‘प्रतिस्पर्धात्मकु शुल्क घोषणा गरेको छु, त्यसलाई लागू गर्न म ‘वास्तवमा मूडमा थिइन्नु।’ उनले थपे, ‘हामीलाई लाग्यो अब ४५ वा ५० वर्षको दुरुपयोगपछि यो समय आएको थियो।’ ट्रम्पले भने, ‘मैले भारतसँग पहिलो कार्यकालमा छलफल गरेको थिएँ तिनीहरूको शुल्क वास्तवमा ‘च्च थियो, र मैले त्यो बेला कुनै सहमति बनाउन सकिन।’

ट्रम्पले दुईदेशशीचका व्यापार घाटा पूरा गर्न भारतले अमेरिकाबाट तेल र ग्यास सवैभन्दा बढी खरिद गरेर घाटा पूर्ति गर्नमा सहयोग गर्ने विश्वास व्यक्त गरे ।
जबाफ मोदीले ट्रम्पको प्रंशशा गर्दै अमेरिकामा मेक अमेरिका ग्रेट अगेन मागा भएजस्तै भारतीय भाषामा मेक इन्डिया ग्रेट अगेन अर्थात मिगा बनाउन आफू दृढ रहेको बताए ।
यस अघि मोदीले टेक्सासकोह्युस्टनमा भएको हाउडी मोदी कार्यक्रममा पनि दुवै नेताले सम्वोधन गरेका थिए । मोदीले डिसीमा अर्बपति एलन मस्क र नयाँ खुफिया एजेन्सी निर्देशक तुलसी गर्वाडसँग समेत छलफल गरेका थिए ।
प्रधानमनन्त्री मोदीका साथ विदेशमन्त्री एस जयशंकर, विदेश सचिव मिश्री, एनएसए अजित डोभाल र अमेरिकाका लागि रादूत विनय मोहन क्वात्रा उनको भ्रमण दलमा सहभागी छन् ।