काठमाडौं, १० साउन । उद्योगी/व्यवसायीहरुले आर्थिक कुटनीतिमा जोड दिन सरकारलाई सुझाव दिएका छन् ।
उपप्रधान तथा परराष्ट्रमन्त्री कृष्णबहादुर महरासँग भेट गरी नेपाल उद्योग वाणिज्य महासंघका पदाधिकारीहरुले आर्थिक कुटनीतिमा जोड दिन सुझाव दिएका हुन् ।

मंगलबार सिंहदरबारस्थित परराष्ट्र मन्त्रालयमा भएको भेटमा महासंघको नेतृत्वले नेपालको समृद्धिका लागि आर्थिक कुटनीति मुख्य आधार भएको उल्लेख गर्दै परराष्ट्रमन्त्री महराको ध्यानाकर्षण गराएका थिए । नेपालको आर्थिक विकासका लागि आवश्यक व्यापार बढाउन र लगानीको वातावरण बनाउन पनि आर्थिक कूटनीति अति आवश्यक भएको महासंघकी अध्यक्ष भवानी राणाले बताउनुभयो ।

उपप्रधान तथा परराष्ट्रमन्त्री महराले आर्थिक कुटनीतिलाई प्रभावकारी ढंगले अघि बढाउन निजी क्षेत्रस“ग आवश्यक परामर्श लिन सरकार प्रतिवद्ध रहेको बताउनुभएको थियो । महासंघले नेपालको औद्योगिक क्षेत्रको विकासका लागि आवश्यक लगानी भित्र्याउन उद्देश्यका साथ आगामी मंसीरभित्र अन्तर्राष्ट्रिय स्तरको लगानी सम्मेलन गर्ने योजना पनि बनाएको छ ।