काठमाडौं २६ भदौ । आगामी नोभेम्वर ५ मा हुने अमेरिकी राष्ट्रपतिय निर्वाचनको क्रममा उपराष्ट्रपति कमला ह्यारिस र पूर्व राष्ट्रपति डोनाल्ड ट्रम्पबीचको पहिलो बहुप्रतिक्षित टेलिभिजन बहस शुरु भएको छ । दुवै जनालाई पहिलो प्रश्न अर्थतन्त्रको बारेमा थियो । ह्यारिसले आफ्नो मध्यम वर्गको जीवनस्ता उकास्ने योजना बताएकी छन् । उनले आफूले ‘अवसर अर्थतन्त्र’  निर्माण गर्न चाहेको बताइन् र ट्रम्पले धनीहरूलाई मद्दत गर्न चाहेको र मध्यम वर्गमा ‘ट्रम्प बिक्री कर’ लगाउन खोजेको आरोप लगाइन्। न्यूयोर्क टाइम्सका अनुसार यो उनको तर्फबाट गरिएको सामान्य आक्रमण हो।
ह्यारिसले ट्रम्पलाई आक्रमण गरेपछि ट्रम्पले आफू प्रोजेक्ट २०२५ सँग संलग्न नभएको पुरानै कुरा दोहराए । प्रोजेक्ट २०२५ एक रूढीवादी नीति खाका हो, जुन ट्रम्पका सहयोगीहरूले तयार पारेका छन् र अर्को कार्यकालमा उनको प्रशासनले प्रयोग गर्न सक्छ। डेमोक्र्याटहरूले प्रोजेक्ट २०२५लाई लक्ष्य गरेर उनलाई आक्रमण गर्दै आएका छन् । यसले मतदातासँग पनि प्रभाव पारिरहेको छ। यद्यपि यो ट्रम्पको योजना नभए पनि त्यसका केही क्षेत्रहरू उनको कामसंग सम्वन्धित रहेको बताइन्छ ।

ट्रम्पले बाइडेन प्रशासनले उनले लगाएका करहरू नहटाएको कुरालाई आत्मसात् गर्दै आफ्नो व्यापार नीतिहरू मूलतः सही रहेको दाबी गरेका छन्। ह्यारिससँग यसको उत्तरमा धेरै प्रतिक्रिया थिएन, तर उनले चीनको विषयमा कुरा मोड्दै ट्रम्पलाई देशप्रति धेरै नै नरम भएको र चीनलाई माइक्रोचिप्सजस्ता संवेदनशील प्रविधिहरू प्राप्त गर्न अनुमति दिएको आरोप लगाइन्।