काठमाडौं, १० फागुन । गैर–आवासीय नेपाली संघ (एनआरएनए) हङकङको संयोजन र हङकङ फूटबल एशोसियसन (एफए)को आयोजनामा लुनार न्यु इयर कप २०१८ को अवसरमा हङकङ महिला टिम र सशस्त्र प्रहरी बल नेपाल महिला टिमबीच मैत्रीपूर्ण फूटबल प्रतियोगिता फेब्रुअरी १९, २०१८ का दिन मंकक स्टेडियममा सफलताका साथ सम्पन्न भएको छ । उक्त प्रयोजनको लागि नेपालबाट आएका खेलाडी, प्रशिक्षक र व्यवस्थापकलगायत १७ जनाको टोली फर्केका छन् ।

उक्त प्रतियोगिताबाट नयाँ इतिहास कोरिएको छ । यस भन्दा अघि नेपाल र हङकङबीच महिला फूटबलमा दुई पटक भेट भएको थियो । दुवै खेलमा नेपाल पराजित भए पनि यस पटक क्लव स्तरीय नेपाल टिमले हङकङ टिमलाई ३–१ ले पराजित गरेको छ । यस खेलबाट नेपाल र हङकङबीचको सम्बन्ध सुमधुर बनाउँन साथै नेपालको पर्यटन प्रबद्र्धनमा सहयोग पुगेको हाम्रो ठहर रहेको छ । 

यस प्रतियोगिताको लागि नेपाल पक्षको खर्च (लगभग १ लाख ५० हजार हङकङ डलर)को व्यवस्था एनआरएनए हङकङले गरेको थियो । उक्त खर्चको व्यवस्थापन यस संस्थाले प्राप्त गरेको ९० कम्प्लिमेन्ट्री टिकटबाट सहयोग र प्रायोजन संकलन लगायतबाट गरिएको थियो । यसको साथै नेपाली कन्सुलेट जनरलबाट केही आर्थिक सहयोग र नेपाल वायुसेवा निगमबाट प्रायोजन प्राप्त भएको थियो । आम्दानी–खर्चको पूर्ण विवरण यथासिघ्र सार्वजनिक गरिने महासचिव किसन राईले विज्ञप्तिमार्फत जानकारी दिएको छ ।

यस विषयमा पारदर्शिताको लागि एनआरएनए हङकङ र एफएबीचको सम्झौतापत्र सार्वजनिक गरिएको छ । यस अवसरमा उक्त प्रतियोगिता सफल बनाउँन प्रत्यक्ष–अप्रत्यक्ष सहयोग पुर्याउने हङकङ नेपाली पूmटबल एशोसियसन, आर्थिक दाता, प्रायोजकलगायत सम्पूर्णलाई धन्यवाद् दिएको छ ।