काठमाडौं ९ चैत(एजेन्सीको सहयोगमा):  रुस र चीनले शुक्रबार संयुक्त राष्ट्र संघ सुरक्षा परिषदमा अमेरिकी प्रस्तावमाथि भिटो प्रयोग गर्दै तत्काल गाजामा ‘दिगो युद्धविराम’ को आह्वान गरेका छन् । युद्ध सुरु भएदेखि नै वाशिंगटनको कडा भाषा समावेश गर्ने उपायलाई अस्वीकार आज रुस र चीनले फेरि भिटो प्रयोग गरेका छन् ।
युएस–समर्थित प्रस्तावले युद्धमा इजरायलको आचरणसँग बाइडेन प्रशासनको बढ्दो निराशालाई देखाएको छ। इजरायललाई दक्षिणी गाजा सहर रफाहमा आक्रमण नगर्न दबाब दिने उद्देश्य थियो, जहाँ सयौं हजार नागरिकहरू शरणार्थीका रुपमा रहेका छन् । तर सरक्षा परिषदमा वाशिंगटनको आफ्नै भिटो शक्तिको प्रयोग र स्थायी युद्धविरामको लागि आह्वान गर्न अस्वीकार गर्ने कदमले गर्दा अन्तर्राष्ट्रिय शक्तिकेन्द्रको विभाजनले गर्दा शुक्रबारको प्रस्तावलाई खेर गएको छ ।

बाइडेन प्रशासनले शुक्रबार गाजामाथिको युद्ध रोक्ने प्रयासलाई गति दिइरहेको थियो । यतिबेला विदेशमन्त्री एन्टोनी जे ब्लिन्केनले तेल अवीवमा इजरायली नेताहरूसँग भेट गरिरहेका छन् । यसै बीच सीआइएका निर्देशक कतारको यात्रामा छन् । दोहामा मध्यस्थकर्ताहरूले युद्धविराम सम्झौतामा सहमत गराएर इजरायल र हमासबीचको द्धन्द्ध कम गर्न खोजिरहेको बताइएको छ ।
विदेशमन्त्री ब्लिन्केनले इजरायलका प्रधानमन्त्री बेन्जामिन नेतन्याहु र इजरायलको युद्ध मन्त्रिपरिषद्का सदस्यहरूसँग, उनीहरुबीच गहिरो तनाब बढिरहेका बेला आपसी मतभेदलाई कम गर्नेगरी छलफल गरिरहेका छन् ।

रुस र चीनले प्रस्तावको अस्पष्ट भाषाका कारण उनीहरूले भिटो प्रयोग गर्नु परेको बताएका छन् । स्पष्ट रूपमा युद्धविरामको लागि ूआह्वानू वा ूमागू गर्नुको सट्टा, विगतका प्रस्तावहरू जस्तै, यूएस–ड्राफ्ट गरिएको प्रसस्तावले सुरक्षा परिषदले ूतत्काल र दिगो युद्धविरामको अनिवार्यता निर्धारण गर्दछ।ूभन्नुले इजरायललाई मानवीय नरसंहारबाट मुक्ति दिलाउन खोजेको बताएका छन् । संयुक्त राष्ट्रका लागि रसियाका राजदूतले प्रस्ताव अमेरिकाको पक्षमा लेखिएको ूखाली बयानबाजी अभ्यासू मात्र भएको भन्दै निन्दा गरे।
चीनका संयुक्त राष्ट्रका लागि चिनिया राजदूतले संयुक्त राज्य अमेरिकालाई ूमहत्वपूर्ण मुद्दाहरूमा अस्पष्ट र बेवास्ता गर्दै शब्दहरूको खेल खेलेकोू आरोप लगाएका छन् ।

यादहरु अमिट हुन्छन् । गाजामा भीडभाडको बीचबाट अस्पतालको ढोकाबाट रगतले लतपतिएका प्रियजनहरूलाई बोकेर चिच्याइरहेका परिवारहरूहरुका यादहरु कहिल्यै नमेटिने खालका भएको न्यूयोर्क टाइम्सले उल्लेख गरेको छ।