काठमाडौँ १९ पुस । भारतका विदेशमन्त्री एस। जयशंकरको नेपाल भ्रमणको सन्दर्भमा प्रधानमन्त्री पुष्पकमल दाहाल नेतृत्वको सरकारले देशको स्वतन्त्र, सार्वभौम तथा स्वविवेकीय स्थितिलाई कमजोर बनाउन लागेको भन्दै नागरिक समाजका अगुवाहरुले आपत्ति प्रकट गरेका छन् ।

भारतसँग मुलुकको सार्वभौम र स्वविवेकीय स्थितिलाई कमजोर पार्ने सम्झौता नगर स् नागरिक अगुवा

उनीहरुले राजनीतिकवृत्त र बृहत् समाजलाई गुमराहमा राखी भारतसँग सम्झौता गर्न लागिएको भन्दै आपत्ति जनाएका हुन् ।

नागरिक समाजका सदस्यहरुमा सूर्यनाथ उपाध्याय, कनकमणि दीक्षित, रेणु अधिकारी, सुशील प्याकुरेल र हीरा विश्वकर्माले बिहीबार एक अपिल जारी गर्दै उनीहरुले नेपालको स्वाभिमान र सार्वभौम अधिकारमाथि नै आँच आउने खालको सम्झौता हुन लागेका उल्लेख गरेका छन् ।

भारत नेपालको अविच्छिन्न मित्र हो भनि आफूहरुले बुझेको उल्लेख गर्दै नेपाल जनता भारतसँग सम्मानजनक मित्रताको पक्षमा निरन्तर उभिएको बताएका छन् । ‘तर नेपालको संविधानका प्रावधान, नेपाली जनताको स्वाभिमान र सार्वभौम अधिकारमाथि आँच आउने सम्झौताले नेपाल–भारत मित्रतालाई न्याय गर्न सक्दैन भन्ने ठहरसहित कुनै पनि अपमानजनक सम्झौता नगर्न नेपाल सरकार समक्ष जोडदार अपिल गर्दछौं,’ अपिलमा भनिएको छ ।