काठमाडौं, २८ माघ । आईसिसी वर्ल्ड क्रिकेट लिग डिभिजन टु अतर्गत यूएईसँगको खेलमा नेपालले एक सय १५ रनको लक्ष्य पाएको छ। टस हारेपछि ब्याटिङको निम्ता पाएको यूएईले ३१ ओभरमा ११४ रनमा समेटियो ।

यूएइलाइ सस्तोमा समेट्न नेपालका सोमपाल कामीले चार , सन्दिप लामिछानेले तीन तथा पारस खड्काले दुइ तथा करन केसीले एक विकेट हात पारे।

यूएईले एक रन जोड्दा असफाक अहमदलाई सोमपाल कामीले बोल्ड आउट गरे। सोमपालले लगातार तेस्रो खेलमा विपक्षिको पहिलो विकेट लिएका हुन्। उनले पहिलो ओभरको तेस्रो बलमा असफाकलाई गोल्डेन डक आउट बनाए । यूएईले २५ रन जोड्दा दोस्रो विकेट गुमायो ।

सोमपालले १६ रनमा खेलिरहेका विकेटकिपर घुलाम सब्बिरलाई क्याच आउट गराए। सोही स्थितीमा करनले रोहन मुस्ताफालाई सात रनमा आउट गरे।१८ औं ओभरमा बलिङ गर्न आएका सन्दिपले दोस्रो र तेस्रो बलमा विकेट लिएका हुन् ।

उनले आफ्नो तेस्रो ओभरमा साइमान अनवरलाइ ब्यक्तिगत ३० रनमा आउट गरे। पारसले २३ औ‌ ओभरमा आफ्नो पहिलो विकेट हात पारेका हुन्।

यसअघि नेपालले पहिलो खेलमा आयोजक नामिबियालाई १ विकेटले पराजित गरेको थियो। दोस्रो खेलमा नेपाललाई ओमानले ६ विकेटले हराएको थियो।

युएईले पनि पहिलो खेलमा केन्यामाथि २ सय १८ रनको फराकिलो अन्तरको जित हात पारेको थियो। तर, दोस्रो खेलमा युएई क्यानडासँग २३ रनले पराजित भयो।