काठमाडौं, २४ माघ । एफए कप फुटबलमा स्वान्सी सीटी र हडल्स फिल्ड विजयी हुदै पाँचौ चरणमा प्रवेश गरेका छन् ।
स्वान्सी सिटीले नोट्स काउन्टीलाई ८–१ को फराकिलो अन्तरले हरायो । निर्धारित समयमा बराबरीपछि भएको रिप्लेमा स्वान्सीले गोल वर्षा ग-यो । नोट्स काउन्टीले पहिलो र दोस्रो हाफमा ४–४ गोल खायो ।
स्वान्सीको जितमा टमी अब्राहम र नेथन डायरले दुई–दुई तथा कायल नोग्हटन, वेन रुटलेज, टम क्यारोल र डेनियल जेम्सले एक–एक गोल गरे । नोट्स काउन्टीका लागि भने नुर हसिनले एक गोल फर्काए । गएराति नै भएको अर्को खेलमा वर्मिङ्घम सिटीलाई ४–१ ले हराएर हडल्स फिल्ड पनि पाँचौ चरणमा प्रवेश गरेको छ ।
निर्धारित समयमा एक–एकको बराबरी भएपछि थपिएको समयमा ३ गोल गर्दै हडल्सले ४–१ को नतिजा निकालेको हो । यस्तै मिलवाललाई १–० ले हराएको रुचडेलले पनि पाँचौ चरणमा स्थान बनाएको छ ।
प्रतिक्रिया दिनुहोस्