काठमाडौं २६ साउन । लुम्बिनी विकास कोषका नव नियुक्त उपाध्यक्ष ल्यारक्याल लामाले मायादेवी मन्दिर पुनः निर्माणका लागि७ करोड रुपैयाँ आर्थिक सहयोग गर्ने प्रतिवद्धता जनाएका छन्।
शुक्रबार बसेको सचिवालय बैठकमा उपाध्यक्ष लामाले मायादेवी मन्दिरको जीर्णेद्वार गर्न सहयोग गर्ने घोषणा गरेका हुन् ।
लुम्बिनी विकास कोषका आयोजना प्रमुख सजोज भट्टराईले उपाध्यक्ष लामाले मायदेवी मन्त्रीको पुन निर्माणकोलागि सिड मनीको रुपमा ७ करोड रुपैयाँ दान दिने प्रतिवद्धता जनाएको बताए।
उपाध्यक्ष लामाले नै मन्दिर पुनः निर्माणको प्रस्ताव बैठकमा राखेका थिए ।
भट्टराईले बुद्धमार्गी, पुरातत्व विभागसंगको सहमतिपछि पुनः निर्माणको काम अघि बढ्ने बताए।
‘मायादेवी मन्दिरमा आएका विविध समस्याहरु समाधान गर्नकालागि आगामी कार्यकारिणी समिति वा परिषद्को वैठकमा नेपाल सरकारको सहयोग विना दाताहरुको सहयमोगमा जीर्णेद्धार गर्ने प्रस्ताव गरी गरी पेश गर्ने,’ निर्णय भएको छ।
प्रस्ताव स्वीकृत भएपश्चात शुरुवाती कोष सथापनाकोलागि लामाले ७ करोड आर्थिक सहयोग उपलब्ध हुने प्रतिवद्धता जनाएको छ।
त्यस्तै लुम्बिनी विकास कोषको सम्पर्क कार्यालय काठमाडौंमा स्थापना गर्ने सम्बन्धमा आगामाी कार्यकारिणी समिति वा परिषद् बैठकमा प्रस्ताव पेश गर्ने निर्णय समेत गरेको छ।
बैठकले कोषको सम्पर्क कार्यालय काठमाडौंमा राख्न अर्को बैठकमा प्रस्ताव पेश गर्ने निर्णयसमेत गरेको छ ।
प्रतिक्रिया दिनुहोस्