काठमाडौं ९ असार, । विश्वकप छनोटको निर्णायक खेलमा १६८ रनमै अलआउट भएको नेपालले नेदरल्याण्ड्सको दोस्रो विकेट लिएको छ ।
डच टोलीलाई म्याक्सवेल ओ’डाउड र विक्रमजित सिंहको ओपनिङ जोडीले राम्रो सुरुवात दिलाएका थिए । पावर प्लेमा विना विकेटको क्षतिमा ५८ रन बनाएको नेदरल्याण्ड्सका ओ’डाउडले १२औं ओभरको चौथो बलमा ललित राजवंशीलाई छक्का हान्दै अर्धशतक पूरा गरेका थिए ।
तर १३औं ओभरको अन्तिम बलमा सन्दीपले यो साझेदारी तोडे । उनले ३० रनमा क्रिजमा रहेका विक्रमजित सिंहलाई एलबीडब्लु धरापमा पारेका हुन् ।
१५औं ओभरको दोस्रो बलमा उनले नै वेस्ली बार्रेसीलाई दिपेन्द्र सिंह ऐरीको हातबाट क्याच गराए । उनी मात्र ३ रनमा आउट भएका हुन् ।
प्रतिक्रिया दिनुहोस्