काठमाडौँ, १२ जेठ । काभा महिला भलिबल च्यालेञ्ज कपमा घरेलु टोली नेपाल र काजकस्तान फाइनल प्रवेशका लागि भिड्दै छन् । उक्त खेल दिउँसो पाँच बजे राष्ट्रिय खेलकुद परिषद्को कबर्डहलमा हुने छ ।
साबिक विजेता नेपाल लगातार तेस्रो पटक फाइनलमा प्रवेश गर्ने लक्ष्यमा हुने छ । यसअघि अपराजित रहँदै सेमिफाइनलमा पुगेको नेपाल घरेलु कोर्टमा भने भारतसँग समूह चरणमा पराजित भएको थियो ।
नेपाली स्टार स्पाइकर प्रतिभा माली चोटका कारण मैदान बाहिर भएकाले नेपाली टिमले महत्वपूर्ण खेलमा निकै संघर्ष गर्नुपरेको छ । समूह एको उपविजेता बनेर नेपाल अन्तिम चारमा प्रवेश गरेको हो ।
अपराजित काजकस्तान समूह बीको विजेता हो । समूह एको विजेता भार र समूह बीको उपविजेता उज्बेकिस्तान बीचको खेल पनि आजै हुने छ । यो खेल दिउँसो साढे २ बजेदेखि सुरू हुने छ ।
प्रतिक्रिया दिनुहोस्