काठमाडौं, १३ साउन । प्रतिनिधिसभा र प्रदेशसभाको निर्वाचन नजिकिदै गर्दा राजनीतिक दलहरु आफू पक्षिय परिणामको गठजोडमा जुटेका छन् । यतिबेला संसदीय निर्वाचनसम्म कस्तो खाले गठबन्धन वा नयाँ परिस्थिती बन्ला भन्ने समसामयिक राजनीतिक विषयमा विश्लेषण हुने गर्दछ । र यसको निर्णायक भूमिकामा भने सत्ता सहयात्री दल नेकपा माओवादी केन्द्रका अध्यक्ष पुष्पकमल दाहाल प्रचण्ड देखिएका छन् ।

राजनीतिक विश्लेषक सीके लालले देशको वर्तमान राजनीतिबारे विश्लेषण गर्दै माओवादी अध्यक्ष प्रचण्ड केपी ओलीसँग पुरोहित र शेरबहादुर देउवासँग राजगुरु भएको उपमा दिएका छन् । एबीसी टेलिभिजनको आउटलूक कार्यक्रममा उनले एमाले अध्यक्ष ओली र काँग्रेस सभापति शेरबहादुर देउवालाई प्रधानमन्त्री बनाउन किङ् मेकरको भूमिका प्रचण्डले खेलेको भनाइ राख्दै त्यसो बताएका हुन् ।

उनले भने, “किङ मेकरलाई कसलाई राजा बनाउदा मान, सम्मान, लाभ हुन्छ । देउवालाई राजा बनाए पनि, ओलीलाई राजा बनाएर सार्वजनिक खपतका लागि जे सुकै कुरा गरेपनि थाहा छ कि, ओलीको पुरोहित, शेरबहादुर देउवाको राजगुरु भइन्छ । राजगुरुको सिंहासन छोडेर पिर्कामा बस्न को जान्छ ।” प्रचण्डलाई देउवासँग जान सहज हुने बताउदै उनले अहिले आन्तरिक राजनीतिक समिकरणको सम्भावना कम भएको बताए ।

हरेक पार्टीभित्र अमेरिकी प्रभाव

उनले देशको हरेक पार्टीमा अमेरिकाको प्रभाव रहेको बताएका छन् । अन्तराष्ट्रिय परिस्थितीमा प्रत्यक्ष सैनिकको कुरा उनले सशस्त्र संघर्षको व्यवस्थापनको बेला अमेरिकीभन्दा अलिकति हाबी दिल्ली र बेइजिङ भएको र अमेरिका ब्याक् बस्न बाध्य भएको बताए ।

“बेइजिङ छटपटीमा होला भन्ने लाग्दैन । प्राथमिकतामा धेरै माथि चाहि नेपाल भएको छ । नेपाललाई अप्ठ्यारो प¥यो भने राणाकालदेखि नै गुहार्ने हामीलाई नै हो थाहा छ । त्यसैले खुसी चाही राख्नुपर्छ भन्ने छ”, उनले भने ।
उनले घरमा आगो लाग्न थालेपछि नै दौडधूप बढ्ने भएको र नेपालप्रति अनय देशहरुको असमान्य रुची बढेको बताए ।

सामान्य अवस्था भए त, रुची पनि सामान्य हुन्छ, दुर्भाग्यवश जोखिम बढेको उनको भनाइ छ । जोखिममा पनि एउटालाई शंका लाग्यो भने सबैलाई शंका लाग्ने स्थिती बनेको उनले बताएका छन् ।