काठमाडौं २८ असार ।
मौरीपालक किसान र मह व्यबसायी सरोकारवालाहरुले काठमाडौंमा जारी मह मेला बहिष्कार गर्ने घोषणा गरेका छन् ।
बुधबार काठमाडौंमा पत्रकार सम्मेलन गर्दे नेपाल मौरीपालक महासंघ, नेपाल केन्द्रीय मह व्यवसायी संघ र मौरीपालन केन्द्रीय सहकारी संघले मेला बहिष्कार गरेको जनाएका हुन् ।
अहिलेको मेलाले मौरीपालक किसानलाई बेवास्ता गरेको र सरकारी ढुकुटी मात्र रित्याउने कार्य गरेको उनीहरुको आरोप छ । महोत्सका लागि आफुहरुले टेन्डर दर्ता गर्दा पनि नियतवस उपेक्षा गरेकाले मेला बहिष्कार गर्नुपरेको उनीहरुले जनाएका छन् ।
कृषि विभाग अन्तर्गतको व्यवसायिक कीट विकास निर्देशनालयको आयोजनामा काठमाडौंको भृकुटिमण्डपमा दोस्रो राष्ट्रिय मह मेला जारी छ ।
प्रतिक्रिया दिनुहोस्