सल्यान, ३ जेठ । जिल्लाको कालिमाटी गाउँपालिकामा अध्यक्षमा एमालेका दानबहादुर खत्री विजयी हुनुभएको छ । उपाध्यक्षमा एमालेकी सहनसिलता ओली विजयी हुनुभयो । खत्रीले ३ हजार ७ सय ४१ र ओलीले ३ हजार ३ सय ७२ मत प्राप्त गर्नुभयो। खत्रीका निकटतम प्रतिद्वन्द्वी नेकपा माओवादी केन्द्रका पुरुषोत्तम भटराईले ३ हजार १ सय २९ र कांग्रेसका भरत पुनले २ हजार ३ सय ७९ मत प्राप्त गनुभयो ।

त्यसैगरी उपाध्यक्षमा विजयी भएकी सहनसिलता ओलीकी निकटतम प्रतिद्वन्द्वी एकीकृत समाजवादीका ज्ञानबहादुर खत्रीले २ हजार ७ सय ८६ र कांग्रेसकी काशिमाया रानाले २ हजार ३ सय ५२ मत प्राप्त गरिन् । खत्री ०७४ को स्थानीय निर्वाचनमा अध्यक्ष पदमा र ओली उपाध्यक्ष पदमा विजयी भएका थिए । कालिमाटी गाउँपालिका एमालेको बाहुल्यता रहेको छ ।कालिमाटी गाउँपालिकाका १५ हजार ८६ मतदातामध्ये निर्वाचनमा १० हजार १ सय ६६ ले मतदान गरेको निर्वाचन अधिकृत मनोहर घिमिरेले बताउनुभयो ।