बर्दिया । बर्दियामा बहुमुल्य धातुबाट बनेको पुरतात्विक महत्वका बुद्धको मुर्ति सहित पाँच जना पक्राउ परेका हुन् ।
गुलरिया नगरपालिका –७ गुलरिया बजार स्थित विजया गेष्ट हाउसको कोठा नं ३२८ मा गोप्य सुचनाका आधारमा चेकजाँच गर्दा मुर्ति सहित पाँच जना पक्राउ परेका हुन् ।

पक्राउ पर्नेमा बर्दिया गुलरिया ७ का ४० बर्षिय निराजन उप्रेती, बर्दिया मधुवन नगरपालिका १ र ९ का क्रमश. ३४ बर्षिय उज्वल रोकाय र ३४ बर्षकै अमृत राई रहेका छन् । त्यसैगरी बर्दिया जिल्ला ठाकुरबाबा नगरपालिका ९ बस्ने ३२ बर्षिय ईश्वरी प्रसाद उपाध्याय र जाजरकोट बारेकोट गाउँपालिका २ का २९ बर्षिय मग बहादुर नेपाली पक्राउ परेका छन् । उनीहरुको साथबाट ७ किलो ७ सय २ ग्राम तौल भएको ९.५ ईन्चको बुद्धको मुर्ति फेला परेको जिल्ला प्रहरी कार्यालयले जनाएको छ । होटलको कोठामा बसेर मुर्ति किनबेचका गर्न लागिएको गोप्य सुचनाको आधारमा खोजतलास गर्दा मुर्ति फेला परेको जिल्ला प्रहरी कार्यालयका सुचना अधिकारी हेमबहादुर शाहीले बताए ।