काठमाडौं, १२ पुस । भैरहवा ग्ल्याडिएटर्सलाई ८ विकेटले हराउँदै विराटनगर वारियर्स एभरेष्ट प्रिमियर लिग (इपीएल) क्रिकेटको फाइनलमा प्रवेश गरेको छ ।कीर्तिपुर मैदानमा आज भएको खेलमा विराटनगरले भैरहवाले दिएको १ सय २८ रनको विजयी लक्ष्य १७ ओभरमा २ विकेट गुमाएर पुरा ग¥यो ।

विराटनगरको लागि बाबर हयातले ४४ बलमा ६२ रन बनाए तथा कप्तान पारस खड्काले २४ बलमा ४२ रन बनाएका थिए ।

यसअघि खेलमा टस हारेर पहिले व्याटिङको निम्तो पाएको भैरहवाले २० ओभरमा ८ विकेट गुमाएर १ सय २७ रन बनाएको थियो ।

भैरहवाका लागि पुनित मेहेराले सर्व्धिक ४९ रन तथा आशिफ शेखले ४६ रन जोडेका थिए ।

यो जितसँगै पारस खड्काको कप्तानीमा रहेको विराटनगरले फाईनलमा स्थान सुरक्षित बनाएको छ। उता शरद भेषावकरले कप्तानी सम्हालेको भैरहवाले दोस्रो क्वालीफायर खेल्नुपर्ने भएको छ ।

भैरहवाले अब ललितपूर प्याट्रिएट्स र पोखरा राईनोजबिचको विजेतासँग प्रतिस्पर्धा गर्नुपर्नेछ ।