टोकियो २ जेठ । टोकियो विश्व महामारीको रुपमा फैलिएको कोभिड-१९ का कारण जापानमा नेपाली विद्यार्थीहरुको समस्या बढ्दै गइरहेको छ । शनिबार ORJ ( 株式会社会社) टोकियोमा आयोजना गरेको जुम सेमिनारमा सहभागी विद्यार्थीहरुले कोभिड-१९ का कारण समस्या भोग्नुपरेको गुनासो राखेका थिए ।

उनीहरुले औपचारीक शिक्षा सकेर पनि वर्किङका लागी कम्पनी नभेटिएको, २८ घण्टा भन्दा माथी काम गरेका कारण भिजा नपाएको( जुम्वी भीषा दिएको) , कम्पनी पाएर पनि कोभिडले बन्द भएका कारण काम नपाएको, नेपाल फर्कन पनि सहज नभएको जस्ता गुनासा गरेका थिए । कोभिड-१९ का कारण अहिले विश्वभरका विद्यार्थीहरु ठूलो मारमा परेका छन् । यस्तो समस्यमा परेका विद्यार्थीहरुलाई जापानमा तोकुतेई गिनोउ पास गरी तोकुतेइ काचुदोउ भीषामा काम गर्ने र जापानमै बस्न पाउने अवसर मिलेको छ ।

त्यसका लागी ORJ ( 株式会社会社) ले निशुल्क सहयोग गर्दै आएको छ । नेपालीलाई लक्षीत गरी आयोजीत सेमीनारका प्रस्तुतकर्ता कमल बास्तोलाले तोकुतेई गिनोउ परीक्षा तयारी गर्दै तोकुतेइ काचुदोउमा भीषा परिवर्तन गरी काम गर्न चाहने नेपाली विद्यार्थीहरुलाई आवश्यक सबै सहयोग गर्ने बताउनुभयो ।

उहाँले नेपाली विद्यार्थी संगै समस्यामा परेका अन्य नेपाली नागरीकले पनि काम गर्न चाहेमा सहयोग गर्ने जानकारी दिनुभयो । विद्यार्थीहरुका समस्यालाई नजिकबाट नियाल्नुभएका र सहयोग गर्दै आउनुभएका बास्तोलाले आफू कार्यरत IHNO बाट नेपाली विद्यार्थीहरुलाई छात्रावृत्ती समेत बितरण गरेको बताउनुभयो । सेमीनारका अर्का प्रस्तुतकर्ता तोयोदा तोमोयोसीले भीषा परीवर्तन गर्न चाहाने नेपाली संगै अन्य विदेशीहरुलाई पनि कम्पनीले सहयोग गर्दै आएको जानकारी दिनुभयो ।