काठमाडौं, २२ बैशाख । गण्डकी प्रदेशका मुख्यमन्त्री पृथ्वीसुब्बा गुरुङलाई कोरोना भाइरस संक्रमण पुष्टि भएको छ । क्षेत्रीय प्रयोगशालामा मंगलबार दिइएको स्वाव नमूनाको बुधबार आएको नतिजामा पोजिटिभ देखिएको मुख्यमन्त्रीका प्रेस संयोजक विक्रम न्यौपानेले जानकारी दिनुभयो । बुधबार बिहान संक्रामक तथा सरुवा रोग अस्पतालमा गरिएको गुरुङको एन्टिजेन परीक्षण पोजिटिभ देखिएको थियो । उहाँ हिजो सर्वदलीय बैठकमा सहभागी समेत हुनुभएको थियो । बैठकबाट फर्किएलगत्तै कोभिड(१९ को लक्षण देखिएपछि गुरुङले परीक्षण गराउनुभएको थियो । मुख्यमन्त्रीका प्रेस संयोजक न्यौपाने पनि संक्रमित भएर ३ दिनदेखि होम आइसोलेसनमा बस्नुभएको छ । उहाँकै ‘कन्ट्याक्ट ट्रेसिङ’ का आधारमा मुख्यमन्त्रीको परीक्षण गरिएको थियो ।
Accuracy, Balance & Credibility - JOURNALISM
प्रतिक्रिया दिनुहोस्