काठमाडौं, १० मंसिर । पछिल्लो २४ घण्टामा देशभर १ हजार ९४८ लाई कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता प्रा।डा। जागेश्वर गौतमका अनुसार ९ हजार २१० जनाको पीसीआर परीक्षण गर्दा १ हजार ९४८ लाई कोरोना पोजेटिभ देखिएको हो ।
काठमाडौं उपत्यकामा ८३५ संक्रमित थपिएका छन् । यो सँगै नेपालमा कोरोना संक्रमितको संख्या २ लाख २६ हजार २६ पुगेको छ । संक्रमण पुष्टि भएकामध्ये २ लाख ७ हजार ९९८ जना निको भएका छन् । २४ घण्टामा ३ हजार १४० जनाले कोरोना जिते ।
नेपालमा एकै दिन २८ जना कोरोना संक्रमितको मृत्यु भएको छ। यो सँगै कोरोना संक्रमित मृतकको संख्या १ हजार ३ सय ८९ जनाको मृत्यु भएको स्वास्थ्य तथा जनसंख्या मन्त्रालयले जनाएका छ। यसअघि मंगलबार २४ जनाको मृत्यु भएको थियो।
प्रतिक्रिया दिनुहोस्