काठमाडौं, २१ असोज । विश्वभर पछिल्लो २४ घण्टामा ३ लाख ११ हजारभन्दा बढीमा कोरोना भाइरसको संक्रमण पुष्टि भएको छ ।३ लाख ११ हजार ६१३ जनामा कोरोना भाइरसको संक्रमण पुष्टि भएसँगै विश्वभर संक्रमितको संख्या ३ करोड ६० लाख ३७ हजार ९९२ पुगेको छ ।
यस्तै पछिल्लो २४ घण्टामा विश्वमा थप ५ हजार ५५० जनाले ज्यान गुमाएका छन् । योसँगै कोरोनाले मृत्यु हुनेको संख्या १० लाख ५४ हजार ५१४ पुगेको छ ।
यो समाचार तयार पार्दासम्म ७८ लाख ३९ हजार ६१५ जनामा सक्रिय संक्रमण छ । जसमध्ये ६७ हजार ८६२ को अवस्था गम्भीर छ ।
अहिलेसम्म २ करोड ७१ लाख ४३ हजार ८६३ जनाले कोरोनालाई जितेका छन् । सबैभन्दा धेरै संक्रमित भएको अमेरिकामा संक्रमितको संख्या ७७ लाख नाघेको छ ।
प्रतिक्रिया दिनुहोस्