काठमाडौं, ७ भदौ । जनकपुरधाम । कोरोना संक्रमणबाट सर्लाही लालबन्दीकी एक महिलाको मृत्यु भएको छ । ३३ वर्षीया उनको शनिबार काठमाडौंको ओम अस्पतालमा उपचारका क्रममा मृत्यु भएको प्रमुख जिल्ला अधिकारी सुरेन्द्र पौडेलले जानकारी दिए । एक साताअघि ज्वरो आएर स्वास्थ्य अवस्था बिग्रिदै गएपछि उनलाई उपचारका लागि चितवनको भरतपुर लगिएको थियो । तर त्यहाँको अस्पतालले भर्ना लिन नमानेपछि काठमाडौं लगिएको थियो ।
ओम अस्पतालमा उपचारकै क्रममा उनको स्वाब संकलन गरिएको थियो । सर्लाहीका तीन जनाको अहिलेसम्म कोरोना संक्रमण पुष्टि भएर मृत्यु भएको छ । लालबन्दीकी यी महिलासहित मलंगवा नगरपालिका ९ का ४६ बर्षीय पुरुष र मलंगवा ३ का ६५ बर्षीया महिलाको मृत्यु भएको छ । तीनै जनाको काठमाडौंमै उपचारका क्रममा मृत्यु भएको हो ।
प्रतिक्रिया दिनुहोस्