काठमाडौं, १९ मंसिर । भारतबाट आयात हुने इन्धनको मुल्य बढेको निगमले जनाएको छ । भारतले पठाएको पछिल्लो मुल्यसुची अनुसार हवाइ इन्धनमा साविकको भन्दा सात प्रतिशत, डिजेलमा २ प्रतिशत तथा पेट्रोल र खाना पकाउने एलपी ग्यासमा १ प्रतिशत मुल्य बढेको हो ।

भारतले इन्धनको मुल्य बढाउदा निगमलाई भने घाटा व्यर्होनु परेको छ । निगमको हाल प्रति ग्यास सिलिण्डर घाटा रु २ सय ४८ रुपैया ६४ पैसा छ भने प्रतिलिटर डिजेलमा ४ रुपैया २५ पैसा र प्रतिलिटर पेट्रोलमा १४ पैसा घाटा छ । यस अघि नै घाटामा गइरहेको निगमलाई हालको मुल्यवृद्धि हुनु भन्दा पहिले प्रति ग्यास सिलिन्डर विक्रीमा घाटा रु २ सय ३७ रुपैया ६७ पैसा, प्रतिलिटर डिजेलमा ३ रुपैया ९८ पैसा थियो । पेट्रोलको प्रतिलिटर यस्तो घाटा भने साविककै दरमा छ ।

निगमलाई हवाई इन्धन र मट्टीतेलमा भने नाफा छ । पछिल्लो मूल्यसूची अनुसार निगमलाई प्रतिलिटर मट्टीतेलमा ११ रुपैयाँ, हवाई इन्धन ९बाहृय० मा १० रुपैयाँ १३ पैसा र हवाई इन्धन ९आन्तरिक० मा २ रुपैयाँ ४९ पैसा नाफा छ । यसअघि निगमलाई प्रतिलिटर मट्टीतेलमा १५ रुपैयाँ, हवाई इन्धन (बाहृय० मा १८ रुपैयाँ ३१ पैसा र हवाई इन्धन आन्तरिकमा १२ रुपैयाँ नाफा थियो । हवाई इन्धन र मट्टितेलको माग कम भएकोले नाफा भए पनि फरक नपर्ने निगमले जनाएको छ ।

सरकारले पेट्रोलियममा स्वचालित मूल्यप्रणाली अपनाए पनि पछिल्लो समय त्यसको अभ्यास हुन नपाउँदा यस्तो घाटा चुलिएको हो । । स्वचालित मूल्य प्रणाली इन्धनको अन्तर्राष्ट्रिय मूल्य बढ्दा नेपालमा पनि बढ्ने र घट्दा उसैगरी घट्ने प्रणाली हो ।