काठमाडौं, १६ मंसिर । १३ औं दक्षिण एसियाली खेलकुद (साग) प्रतियोगितामा नेपालले चौथो स्वर्ण जितेको छ ।
१३ औं दक्षिण एसियाली खेलकुद (साग) प्रतियोगिताअन्तर्गत करा“तेको महिला टिम कातामा नेपालले स्वर्ण जितेको छ । निर्मला तामाङ, सरु कार्की र रञ्जिता मल्लको टिमले नेपाललाई स्वर्ण दिलाएको हो । नेपालको स्कोर २४.८८ रह्यो । रजतमा चित्त बुझाएको पाकिस्तानको २३.३ अंक बनाएको छ । तेक्वान्दोको पुम्सेमा २३ देखि २९ वर्षमुनीको प्रतिस्पर्धामा कमल श्रेष्ठले स्वर्ण जितेका हुन् । उनले श्रीलंका र भारतका खेलाडीलाई पछि पारेका हुन् । उनले ८.२७० अंक जोडे । ८.२०० अंक जोडेका भारतीय खेलाडीले कास्य जित्दा ८.१५० अंक जोडेका श्रीलंकाली खेलाडी कास्यमा चित्त बुझाएका छन् । सात दोवाटोस्थित करांते हलमा आज बिहान भएको करांतेको एकल कातातर्फ नेपालका मण्डयकाजी श्रेष्ठले स्वर्ण जितेका हुन् ।

मण्डेले पाकिस्तानका नियममातुल्लाहलाई पराजित गर्दै स्वर्ण पदक हात पार्न सफल भए । मण्डेले २५.७२ अंक जोडे । पाकिस्तानका खेलाडीले भने २४.९२ अंक मात्र जोड्न सके । यस्तै, करांतेकै व्यक्तिगत कातामा महिलातर्फ नेपालकी चञ्चला दनुवारले रजत पदक जितेकी छिन् । योसगै नेपालले एक स्वर्ण र १ रजत हात पारेको छ । दनुवारले बंगलादेशकी हुमारा अन्तरा र भुटानकी सोनाम ल्हामोलाई पछि पार्दै फाइनल पुगेकी थिइन् । यससंगै सागमा नेपालको तीन स्वर्ण, दुई रजत र एक कास्य पदक भएको छ ।

१३ औं दक्षिण एसियाली खेदकुद (साग) अन्तरगत महिला क्रिकेटमा नेपालले माल्दिभ्समाथि १० विकेटको शानदार जित हात पारेको छ ।
अन्जली चन्दको कीर्तिमानी बलिङसँगै महिला क्रिकेटमा नेपालले शानदार जीत निकालेको हो । पोखरामा टस जितेर व्याटिङ थालेको माल्दिभ्सले १०.१ ओभरमा सबै विकेट गुमाएर मात्र १६ रन बनायो । जसलाई नेपालले पहिलो ओभरमै पुरा र्गयो । काजल श्रेष्ठले तीन चौकाको मद्दतमा १३ रन बनाइन् भने ४ अतिरिक्त रन रहृयो । नेपालको शानदार जितमा बलर अञ्जली चन्दको कीर्तिमानी बलिङ रहृयो । खेलको छैटौं ओभरमा बलिङमा आएकी उनले एक रन पनि नदिई तीन विकेट लिइन् । नवौं ओभरमा पनि दुई विकेट लिइन् । ११ औं ओभरको पहिलो बलमै विकेट लिँदै उनले हृयाट्रिक पूरा गरिन् । जम्मा २.१ ओभर बलिङ गरेकी उनले एक रन पनि दिइनन् र ६ विकेट लिइन् ।