दुग्ध बिकास संस्थानलाई विश्वसनीय बनाउन मन्त्री खनालको सुझाव



 

काठमाडौं, १ साउन । कृषि तथा पशुपंक्षी विकासमन्त्री चक्रपाणी खनालले गुणस्तरीय उत्पादनमा केन्द्रित हुन दुग्ध विकास संस्थानलाई सचेत गराउनुभएको छ ।

दुग्ध विकास संस्थानको स्वर्ण महोत्सव तथा ५१ औं वार्षिकोत्सवको अवसरमा आज आयोजित कार्यक्रममा मन्त्री खनालले गुणस्तरीय बस्तु उत्पादन गरेर दुग्ध विकास संस्थानले बजार आफै विस्तार गर्नुपर्ने स्पष्ट पार्नुभएको हो । खनालले ‘डेट एक्पाएर’ भएका आयातित बस्तुहरु उपभोक्ताले प्रयोग गर्नु परिरहेका बेला गुणस्तरीय बस्तु उत्पादन गरे दुग्ध विकास संस्थानको बजार आफै विस्तार हुने दावी गर्नुभयो । संस्थानले आफूलाई विश्वबजारमा नै प्रतिस्पर्धा गर्न सक्ने क्षमताको विकास गर्नुपर्ने मन्त्री खनालको भनाई छ ।

उहांले संस्थानलाई घाटामा जान नदिन पनि गुणस्तरीय उत्पादनमा जोड दिनुको विकल्प नरहेको उल्लेख गर्नु भयो । उहाँले संस्थानले उत्पादन गरेको डिडिसी दुधको बजार राम्रो रहेको उल्लेख गर्दै त्यसलाई पनि अझै गुणस्तरीय बनाउनुपर्नेमा जोड दिनुभयो ।
मन्त्री खनालले संस्थानलाई घाटामा लैजाने चिन्तनलाई परास्त गरेर अघि बढने दृढता पनि व्यक्त गर्नु भयो । उहाँले दुग्ध विकास संस्थानलाई किसान र उपभोक्तालाई मारमा पार्ने काम नगर्न पनि आग्रह गर्नुभयो ।

    Comment Here!


सम्बन्धित समाचार

View All