सुर्खेत, ४ माघ । कर्णाली प्रदेशको दीर्घकालीन विकासको रणनीतिक खाका तयारी गर्ने उद्देश्यले ‘कर्णाली प्रदेश योजना अवधारणापत्र’ तयारी गोष्ठी आजदेखि यहाँ शुरु भएको छ ।
कर्णाली प्रदेश योजना आयोगद्वारा शुरु भएको सो गोष्ठीमा कर्णाली प्रदेशस्थित जलविद्युत्, खनिज सम्पदा, कृषि, पर्यटन, जडीबुटीलगायत उपलब्ध स्रोत साधन, तिनको प्रयोग र सम्भावनाका विषयमा छलफल हुने आयोगका सदस्य डा दीपेन्द्र रोकायाले जानकारी दिनुभयो ।
दुई दिने सो गोष्ठीमा विभिन्न क्षेत्रको सुझाव सङ्कलन गरेर अवधारणापत्रलाई पूर्णरुप दिइने उहाँले बताउनुभयो । उक्त गोष्ठीमा कर्णाली प्रदेश सरकारका मुख्यमन्त्री महेन्द्रबहादुर शाही, मन्त्रीहरु, प्रदेश योजना आयोगका उपाध्यक्ष डा पूण्यप्रसाद रेग्मीसहित विभिन्न क्षेत्रका विज्ञको सहभागिता रहेको छ ।
प्रतिक्रिया दिनुहोस्