रुकुम,२६ कात्तिक । रुकुम पश्चिमको चौरजहारी नगरपालिकाले शैक्षिक अभिवृद्धिका लागी पुर्णरुपमा शिक्षक व्यवस्थापन गरेको छ ।
करिब २ दशक पछि नगरपालिका भित्र रहेका आधारभुत तथा माध्यामिक विद्यालयमा नगरले शिक्षक व्यवस्थापन गरेको हो । विद्यार्थिहरुको अनुपात उच्च भएको तर सिमित मात्रामा शिक्षकहरु हुदा विद्यार्थीहरुको पठनपाठनमा समस्या हुदै आईरहेको थियो ।
नगरपालिका भित्ररहेका ३२ आधारभुत र ९ वटा माध्यामिक गरी कुल ४१ वटा सामुदायिक विद्यालयमा शिक्षक व्यवस्थापन गरेको छ । नगरले विद्यालयको माग अनुसार विभिन्न विषयका १२८ जना शिक्षक व्यवस्थापन गरे संगै हाल यस क्षेत्रका विद्यालयको पठनपाठन व्यवस्थित भएको छ । नगर शिक्षा अधिकृत धननजय आचार्यले बताउनुभयो ।
लामो समय देखि शिक्षक अभावमा वहुकक्षा शिक्षण हुदै आईरहेका विद्यालयहरुका लागी नगरले शिक्षक व्यवस्थापन गरे संगै हाल अध्ययन अध्ययापनमा सहज भएको छ । नगर भित्र संचालन रहेका विद्यालयहरुको शैशिक गुणस्तरलाई प्रविधिसंग जोडनको लागी नगरले प्रविधिमैत्री शिक्षा समेत संचालनमा ल्याएको छ ।
शिक्षामा सुधार गर्नुका साथै विद्यालयमा कार्यरत शिक्षकहरुको कार्य सम्पादनमा सहयोग गर्ने उद्देश्यले ३२ जना थप शिक्षक सहजकर्ताको समेत व्यवस्थापन गरेको छ । नगरले विद्यालयमा जानकारी विना उपस्थित नहुने ढिलागरी विद्यालय जाने शिक्षकहरुको तलव समेत रोक्का गरेको थियो ।
विद्यार्थीहरु भित्र लुकेर रहेको सिप र क्षमतालाई प्रस्फुटन गर्नको लागी प्रत्येक विद्यालयमा संगीत र खेलकुद शिक्षकको व्यवस्था गरेको शाखा अधिकृत धननजय आचार्यले बताउनुभयो ।
नगरपालिकाले सवै विद्यालयमा शिक्षकको व्यवस्थाप गरेपछि प्रभावकारी रुपमा अध्ययन अध्ययापन भैरहेको छ । विभिन्न समयमा नगरपालिका बाट अनुगमण तथा मुल्यांक कार्य भैरहेको छ ।
विद्यालयहरुमा शिक्षक व्यवस्थापन संगै नगरले भौतिक व्यवस्थापनको क्षेत्रमा समेत तिव्र गतिमा काम गरीरहेको छ । आर्थिक वर्ष २०७५-०७६ को बजेटमा सवै भन्दा धेरै वजेट शिक्षा क्षेत्रमा छुटयाईएको थियो । कुल वजेटका ४० प्रतिशत रकम शिक्षा क्षेत्रमा नगर विनियोजन गरेको थियो ।
हाल नगरका ११ वटा विद्यालयका भवन निर्माणाधिन अवस्थामा रहेका छन । नगरले शिक्षा क्षेत्रमा गरेको लगानीले निरन्तता पाएमा जिल्लाको चौरजहारी नगरपालिकाले शिक्षा क्षेत्रको गुणस्तर कायम गर्नुका साथै शिक्षा लाई प्रविधिसंग जोडेर आसासित लक्ष्य प्राप्त गर्न सक्ने कुरामा दुईमत छैन ।
प्रतिक्रिया दिनुहोस्