पाल्पा,२६कात्तिक । ईलाका प्रहरी कार्यालय रामपुर पाल्पाले जुवा तास खेलिरहेको समयमा सात जना जुवाडेहरु लाई पक्राउ गरेको छ ।
रामपुर नगरपालिका वडा नंं ६ पदम बहादुर मल्लको घरमा जुवा खेलिरहेको अवस्थामा ईलाका प्रहरी कार्यालयबाट खटिएको टोलीले पक्राउ गरेको हो । जुवा खेलिरहेको अवस्थामा प्रहरीले नगद रु १ लाख २५ हजार ४ सय ३५ रुपैया र ३ थान तास सहित पक्राउ गरेको हो ।
पक्राउ पर्नेमा घरबेटी रामपुर नगरपालिका वडा नंं ६ का पदम बहादुर मल्ल, सोही ठाउँका ४० बर्षिय नेत्र प्रसाद भट्टराई, ४१ बर्षिय खेमराज भण्डारी, ४७ बर्षिय देव सेन, ५८ बर्षिय दुर्गा बहादुर घर्ति, ५६ बर्षिय हेमराज थापा र ५८ बर्षिय भेषबहादुर शाही रहेको जिल्ला प्रहरी कार्यालय पाल्पाले जनाएको छ ।
पक्राउ जुवाडेहरुको बयानको आधारमा कानुनी कारवाही शुरु गरिएको प्रहरीले जनाएको छ ।
प्रतिक्रिया दिनुहोस्