काठमाडौं, २२ जेठ । पालो अल्टो नेटवर्कले सीईओ मुख्य कार्यकारी अधिकृतमा भारतका निकेश अरोडालाई नियुक्त गरेको छ । कम्पनीले आफ्नो आधिकारीक बेभसाईटमा अरोडालाई सीईओमा नियुक्त गरेको उल्लेख गरेको छ ।

बीबीसीले जनाए अनुसार अरोडाको बार्षिक तलब १२.८ करोड डलर अर्थात लगभग भारु ८७५ करोड रुपैँया हुने तय भएको छ । यो रकम नेपाली १३ करोड ७२ लाख रुपैँया हाराहारीमा हुन आउँछ । यससंगै अरोडा टेक्नोलोजीको दुनिँयामा सबैभन्दा बढी तलब पाउने सीईओ बनेका छन् । उनीभन्दा पहिले एप्पलका सीईओ टिम कुकले सबैभन्दा बढी तलब पाएका थिए ।

निकेश अरोडाको टेक्नोलोजी सेक्टरमा लामो करिअर छ । उनीे यसभन्दा पहिले टेक्नोलोजी कम्पनी गुगल र सफ्ट बैंकमा काम गर्थे ।

अरोडाको नियुक्तिलाई लिएर विभिन्न अड्कल लगाईएको छ । क्रेडिट स्विसका एनालिस्ट ब्रैड जेलनिकले अरोडालाई उदृत गर्दै फाइनानसियल टाइम्सलाई अरोडासंग साइबर सेक्युरिटीको अनुभव नभएको बताएका छन् ।

उता अर्को थरिले निकेशसंग क्लाउड र डेटा डिलिङको व्यापक अनुभव रहेको र साइबर सेक्युरिटी डेटा एनालाईसिसको सम्स्यामा जकडिएकोले उनी सक्षम साबित हुने बताएका छन् ।

अमेरिकी कम्पनी पालो अल्टो विश्वको लिडिङ साइबर सेक्युरिटी कम्पनीमध्ये एक हो । आर्थिक वर्ष २०१७ मा कम्पनीको रेभेन्यु १.८ विलियन डलर रहेको थियो ।