काठमाडौं २ असार । इजरायलको इरानमाथिको आक्रमणको चौथो दिन प्रवेश गर्दैगर्दा सोमबार विहान इजरायली आक्रमणमा इरानको इस्लामिक रिभोलुसनरी गार्ड कोर (आइआरजीसी) का शीर्ष गुप्तचर तीनजना अधिकारीको हत्या भएको छ । आइआरजीसीले वक्तव्यमार्फत हत्या भएको स्वीकार गर्दै ‘जायोनी शासनको पूर्ण विनाश’नहुँदासम्म लडाइँ जारी राख्ने प्रतिबद्धता व्यक्त गरेको इरानी विदेश मन्त्रालयले जनाएको छ ।

\

आइआरजीसी को गुप्तचर संगठनका प्रमुख ब्रिगेडियर जनरल मोहम्मद काजेमी इजरायलको पछिल्लो आक्रमणमा मारिएका हुन् । काजेमीका डेपुटी हसन मोहागेग र अर्का वरिष्ठ कमान्डर मोहसेन बाकेरी पनि सोही आक्रमणमा मारिएको विज्ञप्तिमा उल्लेख छ। यी तीन वरिष्ठ कमान्डरहरूलाई तेहरानको एक आवासीय क्षेत्रमा निशाना बनाइएको प्रेस टिभीले जनाएको छ।
क्ष्जवाफी कारबाहीस्वरूप आइआरजीसीको एरोस्पेस फोर्सले अपरेशन ट्रु प्रोमिस थर्ड को तेस्रो चरणको हिस्सास्वरूप जायोनी शासनका गुप्तचर केन्द्रहरूलाई लक्षित गरी नयाँ मिसाइल हमलाहरू शुरू गरेको दावी गरेको छ ।
इरानले तेल अवीव र हाइफा सहित कब्जा गरिएको प्यालेस्टाइनी क्षेत्रहरूमा रहेका महत्त्वपूर्ण र रणनीतिक स्थानहरूमा समन्वयित मिसाइल र ड्रोन हमलाहरू गरेको दावी गरेको छ। यी हमलाहरूले हवाई अड्डा, सैन्य र गुप्तचर केन्द्रहरू, औद्योगिक परिसरहरू, र लडाकु विमान उत्पादन स्थलहरूलाई निशाना बनाएका छन्।

इजरायल–इरान तनावको पछिल्लो अवस्था
आइतबार इजरायली हमलामा आइआरजीसीका गुप्तचर प्रमुख र दुई अन्य जनरलहरू मारिएका छन्। इजरायलले लगातार तेस्रो दिन तेहरान र अन्य इरानी शहरहरूमा हमला गरेको छ । जवाफमा इरानले इजरायलमा प्रतिशोधात्मक हमलाहरू गरेको छ।

इरानका विदेशमन्त्री अब्बास अराघचीले इजरायलले इरानमाथिको हमला रोकेमा इरानको जवाफी कारबाही पनि रोकिने बताएका छन्। इरानले इजरायली हमलापछि कम्तीमा २२४ व्यक्तिको मृत्यु भएको जनाएको छ । इजरायलमा कम्तीमा १३ जनाको मृत्यु भएको छ।

यसैबीच, इजरायलको गाजा युद्धमा गाजाको स्वास्थ्य मन्त्रालयका अनुसार कम्तीमा ५५,३६२ व्यक्तिको मृत्यु भएको छ भने १२८,७४१ जना घाइते भएका छन्। सन् २०२३ अक्टोबर ७ मा हमासको नेतृत्वमा भएको हमलामा इजरायलमा अनुमानित १,१३९ व्यक्तिको मृत्यु भएको थियो र २०० भन्दा बढी व्यक्तिलाई बन्धक बनाइएको थियो।