काठमाडौ २७ जेठ । नेकपा एमालेको भ्रातृ संस्था अनेरास्ववियुको महाधिवेशनमा निर्वाचन कार्यतालिका प्रकाशन भएको छ।
अध्यक्ष मण्डलले अनेरास्ववियुका अध्यक्ष, उपाध्यक्ष र महासचिवको प्रस्तावित नाम बन्द सत्रमा प्रस्तुत गरेपछि असन्तुष्ट पक्षले नाराबाजी गरेका थिए।
त्यसपछि अध्यक्ष मण्डलले निर्वाचन कार्यतालिका प्रकाशन गरेको छ। जसअनुसार बुधबार निर्वाचन हुनेछ।
अध्यक्ष मण्डलका एक सदस्यले दिएको जानकारीअनुसार अनेरास्ववियु अध्यक्षमा डा। सुजन कडरिया, उपाध्यक्षमा प्रकाश पौडेल र अञ्जना शिवाकोटी, महासचिवमा दीपक धामीको नाम प्रस्ताव गरिएको थियो। अध्यक्षका आकांक्षीहरूले भने विरोध गरेका थिए।
साथै बन्द सत्र हलमा प्रतिनिधिहरूले नाराबाजी गरेका थिए। त्यसपछि निर्वाचन कार्यतालिका प्रकाशन गरिएको हो।
प्रतिक्रिया दिनुहोस्