काठमाडौं ५ चैत । अमेरिकाको फ्लोरिडा स्टेट युनिभर्सिटीको मुख्य क्याम्पसमा एक बन्दुकधारीले गोली चलाउँदा कम्तीमा दुई जनाको मृत्यु भएको र धेरै जना घाइते भएको अधिकारीहरूले बताएका छन्।

गन भायोलेन्स आर्काइभको तथ्याङ्क अनुसार यो घटना यो वर्ष फ्लोरिडाको छैटौं सामूहिक गोलीकाण्ड हो।

सुरक्षा अधिकारीहरूको पत्रकार सम्मेलनमा बताएको जानकारी यस्तो छ ।
घटनाक्रमः गोलीबारी बिहान ११:५० बजे विद्यार्थी सङ्घ (स्टुडेन्ट युनियन) नजिकै शुरू भएको थियो, फ्लोरिडा स्टेट युनिभर्सिटीका प्रहरी प्रमुख जेसन ट्रमबोवरले बताए। युनिभर्सिटी प्रहरीले तत्काल प्रतिक्रिया जनाउँदै बन्दुकधारीलाई निष्क्रिय गरी पक्राउ गरेको उनले बताए। टालाहासी प्रहरी प्रमुख लरेन्स रेवेलले संदिग्ध बन्दुकधारीले प्रहरीको आदेश पालना नगरेको बताए।

पीडितहरूः मृत्यु भएका दुई जना युनिभर्सिटीका विद्यार्थी नभएको ट्रमबोवरले बताए। प्रहरीका अनुसार पाँच जनालाई गोली लागेको थियो, तर कुल छ जना अस्पताल भर्ना भएका छन् । छैटौं व्यक्ति संदिग्ध बन्दुकधारी हो कि होइन भन्ने तत्काल स्पष्ट छैन, तर अधिकारीहरूले उनलाई पनि अस्पताल लगिएको बताएका छन्।

संदिग्ध बन्दुकधारीः लियोन काउन्टी शेरिफ वाल्टर म्याकनिलले संदिग्धको पहिचान २० वर्षीय फिनिक्स इक्नरको रूपमा गरेका छन्। इक्नर लियोन काउन्टी शेरिफको डेपुटीको छोरा हुन्, । आक्रमणकारीकी आमा स्थानीय स्कूल रिसोर्स अफिसरको रूपमा कार्यरत छिन्। उनी हाल फ्लोरिडा स्टेट युनिभर्सिटीका विद्यार्थी भएको विश्वास गरिएको छ, ट्रमबोवरले बताए। संदिग्ध फिनिक्स इक्नरले पक्राउ पछि प्रहरीसँग कुरा गर्न अस्वीकार गरेका छन्, रेवेलले बताए।

हातहतियारः संदिग्धले आफ्नी आमाको हातहतियारमा पहुँच राखेका थिए । उनकी आमा शेरिफको कार्यालयमा कार्यरत छिन्, म्याकनिलले बताए। पक्राउ गर्दा संदिग्धसँग फेला परेको ह्यान्डगन उनकी आमाको पुरानो सर्भिस हतियार भएको रेवेलले बताए। एक प्रहरी अधिकारीले सीएनएनलाई बताएअनुसार स्टुडेन्ट युनियनमा शटगन र संदिग्धको कारमा अर्को बन्दुक पनि फेला परेको थियो।

राष्ट्रपति डोनाल्ड ट्रम्पले यो गोलीबारीलाई ‘लज्जास्पद’ भनेका छन् । तर उनले देशको बन्दुक कानूनमा परिवर्तन गर्ने सम्भावना कम रहेको समेत बताएको सीएनएनले उल्लेख गरेको । उनले ओभल अफिसमा पत्रकारहरूसँग भने, ‘बन्दुकले गोली चलाउँदैन, मानिसले चलाउँछ।’

राष्ट्रपति ट्रम्पले यो घटनालाई ‘लज्जास्पद’भन्दै दोस्रो संशोधनको रक्षा गर्ने आफ्नो प्रतिबद्धता दोहोर्‍याए। उनले भने, ‘म दोस्रो संशोधनको ठूलो समर्थक हुँ, यो मेरो शुरूदेखिको अडान हो। यस्ता घटनाहरू भयानक छन्, तर म सधैं दोस्रो संशोधनको रक्षा गर्नेछु।’