वाशिंगटन २१ फागुन ,। राष्ट्रपति ट्रम्पले आफ्ना नीति प्रस्तावहरू लागू गर्न .तीब्र रुपले कदम चालेका छन्।

राष्ट्रपति ट्रम्पले आफ्नो दोस्रो कार्यकालको पहिलो छ हप्ताको कुनै माफी नमाग्ने मूल्याङ्कन प्रस्तुत गर्दै, डेमोक्र्याटिक सांसदको अवरोधको बीचमा, कांग्रेसलाई दिइएको प्राइम–टाइम सम्बोधनमा आफू शक्तिमा फर्किएको विघटनकारी प्रदर्शनलाई .पूर्ण रूपमा देखाए्को द वाल स्ट्रिट जर्नलले लेखेको छ ।

“म आजको रात यो सभागृहमा फर्किएको छु र रिपोर्ट गर्न चाहन्छु कि अमेरिकाको गति फर्किएको छ, हाम्रो आत्मा फर्किएको छ, हाम्रो गर्व फर्किएको छ, हाम्रो आत्मविश्वास फर्किएको छ,”ट्रम्पले आफ्नो पछिल्लो कांग्रेस सम्बोधनको पाँच वर्षपछि हाउस चेम्बरमा उभिएर घोषणा गरेका छन् । उनले भाषण शुर गरेको सात मिनेटमा, प्रतिनिधि अल ग्रीन (डी., टेक्सास) आफ्नो सिटबाट उठेर राष्ट्रपतिप्रति चिच्याएपछि हाउस चेम्बरबाट हटाइएका छन् । यो अवरोधले ट्रम्पलाई क्षणिक रूपमा आफ्नो सम्वोधन रोक्‍न बाध्य बनाएको थियो ।

ट्रम्पलाई आफ्नो लडाकु शैलीको शासनलाई करोडौं अमेरिकीहरूसमक्ष बेच्ने अवसरका रुपमा यो सम्वोधन शुरु गरेका थिए । ट्रम्पले सपथ लिएको ४३ औं दिनको यो सवैभन्दा ठूलो र आगामी ४ वर्षे नीतिगत रोडम्यापको सार्वजनिक गर्ने घटाना पनि हो ।

ट्रम्पले आफ्नो प्रशासनको बारेमा एक आत्ममुग्ध दृष्टिकोण प्रस्तुत गर्दै आफूले हस्ताक्षर गरेका दर्जनौं कार्यकारी आदेशहरूप्रति दम्भ प्रदर्शन गरेका छन ।उनले आफ्नो पहिलो महिनालाई इतिहासकै सबैभन्दा सफल दावी गरे । उनले एकताको लागि भन्दा बडी डेमोक्र्याटहरूलाई आक्रमण गर्नमा खर्च गर्दै देशका समस्याहरूको लागि आफ्ना पूर्ववर्ती जो बाइडेनलाई दोष लगाएका छन् ।

“म अगाडि रहेका डेमोक्र्याटहरूलाई हेर्छु र महसुस गर्छु कि उनीहरूलाई खुसी बनाउन म केही पनि भन्न सक्दिनँ,” उनले खिसीट्युरी गरे । डेमोक्र्याटिक सांसदहरूले “झूट” र “मस्कले चोर्छ” लेखिएका प्लेकार्डहरू देखारहेका छन् ।

नोभेम्बरमा उपराष्ट्रपति कमला ह्यारिसलाई हराएको मतको अन्तरलाई उद्धृत गर्दा डेमोक्रयाटहरुले हुटिङ गरेका थिए भने रिपब्लिकनहरूले “यूएसए” भन्दै को नारा लगाएर विपक्षीको स्वरलाई दबाउन खोजेका थिए ।

जनता अझै पनि ध्रुवीकृत छ र ट्रम्पले केही समर्थकहरूलाई आफ्नो छनौटमा पुनर्विचार गर्न बाध्य बनाए पनि ंट्रम्पले आफूलाई ंव्यापक परिवर्तन लागू गर्न जनादेश प्राप्त भएको दावी गरे ।

“जनताले मलाई यो काम गर्न निर्वाचित गरे, र म त्यो गरिरहेको छु,” ट्रम्पले भने। ट्रम्पले बाइडेनले सरकारलाई उनको मुद्दा चलाउन अनुमति दिएको आरोप लगाए, जुन मुद्दाहरू उनको सत्तामा फर्कंदा कमजोर भएका छन्। “त्यसले कसरी काम गर्‍यो ?” ट्रम्पले सोधे “धेरै राम्रो भएन।”

कार्यालयको छ हप्तामा, ट्रम्पले आफ्ना नीति प्रस्तावहरू लागू गर्न बिजुलीको गतिमा कदम चालेको धेरै जसो मिडिया आउटलेटहरुले समाचार बनाएका छन् । राष्ट्रपतिले हजारौं संघीय कर्मचारीहरूलाई उनीहरूको पदबाट हटाएका छन्, प्रमुख संघीय एजेन्सीहरूको काम सीमित गरिदिएका छन् र एक शत्रुतापूर्ण विदेश नीति लागू गरेका छन्। मंगलबार, उनले मेक्सिको र क्यानडाबाट आयात हुने सामानहरूमा २५ प्रतिशत कर लगाउँदा,लगानीकर्ताहरूलाई हल्लाएको जर्नलले लेखेको छ ।

ट्रम्पले कांग्रेसलाई आफ्नो विधायी एजेन्डा छिटो लागू गर्न आग्रह गरेका छन् । ठूलो कर कटौती र सीमा सुरक्षामा ठूलो स्रोतहरू खन्याउने नीति अघि सारेका छन्। ट्रम्पले सीमा पार गर्नेहरूको संख्यामा आएको कमीतर्फ इशारा गर्दै पुरानै घृणास्पस्द धारणा दोहराए । “हाम्रो देशको आक्रमण समाप्त भएको छ,” ट्रम्पले शनिबार सामाजिक सञ्जालमा घोषणा गरेका थिए ।