काठमान्डौ १ फागुन
रौतहट — पर्सा राष्ट्रिय निकुञ्जबाट आएको घाइते हात्ती ‘यमगज’ लाई बिहीबार रौतहटको हिलेखोला जंगलमा उपचार गरिएको छ । चितवनस्थित राष्ट्रिय प्रकृति संरक्षण कोषबाट आएको चिकित्सकको टोलीले यमगजको उपचार गरेको हो ।
हात्तीको खुटामा गोली वा भालाले प्रहार गरेको चिकित्सकले अनुमान गरेका छन् । केही दिनदेखि यमगज खुट्टा खोच्याउँदै गाउँका सडकमा देखा परेको थियो।
चिकित्सकको टोलीले यमगजलाई एक घण्टा लगाएर उपचार गरेको थियो । ‘खुटाको घाउको भित्री भागसम्म पिप जमेकाले त्यसलाई सफा गरेर एन्टिबायोटिक दिएको र ,‘घाउ ठीक हुन एक साता जति लाग्रने बताइएको छ । ।
यमगजलाई शिकारीले गोली हानेको हो वा भाला प्रहार गरेको भन्ने यसै भन्न नसकिने बताइएको छ । ‘
प्रतिक्रिया दिनुहोस्