काठमाडौं, २८ फागुन । उपराष्ट्रपति नन्दबहादुर पुन पासाङले आज (सोमबार) अपरान्ह त्रिभुवन अन्तर्राष्ट्रिय विमानस्थलमा यूएस–बंगला एयरलाएन्सको जहाज अवतरणको क्रममा दुर्घटना हुँदा भएको ठूलो मानवीय क्षतिप्रति गहिरो दुःख व्यक्त गर्नुभएको छ ।

उपराष्ट्रपति पुनले भयानक दुर्घटनामा परी ज्यान गुमाउनेहरुप्रति हार्दिक श्रद्धाञ्जली व्यक्त गर्नुहुँदै मृतकका शोकाकुल परिवारजनप्रति गहिरो समवेदना व्यक्त गर्नुभएको छ ।

उहाँले घाईतेहरुको शिघ्र स्वास्थ्य लाभको कामना गर्नुहुँदै उचित उपचारको व्यवस्था गर्न अनुरोध गर्नुभएको छ ।

उपराष्ट्रपति पुनले राष्ट्रलाई नै ठूलो क्षति पु¥याउने गरी भएको दुर्घटनाले सिंगो राष्ट्र शोकमा परेको भन्दै धैर्यधारण गर्न सबैमा अनुरोध गर्नुभएको छ । उहाँले दुर्घटनाका कारण बारे गम्भीर छानवीन गर्न तथा आगामी दिनमा दुर्घटना र दुर्घटनाबाट हुने क्षति न्यूनीकरणमा ध्यान दिन सरकारको ध्यानाकर्षण गराउनुभएको छ । साथै, उहाँले दुर्घटनापछि उद्धारमा खट्ने सबैलाई धन्यवाद दिनु भएको छ ।