काठमाडौं २९ साउन । प्रहरीले जाहेरी लिन नमानेपछि हुलाक कार्यालय मार्फत दर्ता गराएको पीडित महतोले बताए ।
मलद्वारमा समस्या भएपछि ६ चैतमा अस्पतालमा भर्ना भएका महतोको भोलिपल्ट ७ चैतमा फिस्टुलाको शल्यक्रिया भएको थियो ।
अपरेसन थिएटरबाट निकाल्दा उनको देब्रे घुँडाको छाला बढी र दाहिने घुँडामुनि पनि ३ ठाउँमा हल्का(हल्का जलेको थियो ।
फिस्टुलाको अपरेशन गर्दा घुँडामा लाग्यो करेन्ट, डाक्टर भन्छन्– लापरबाही होइन
शल्यक्रिया अस्पतालका तत्कालीन मेसुसमेत रहेका सर्जन डा। यादवले गरेका थिए । शल्यक्रिया गरेको उनले स्वयम् स्वीकार गरिसकेका छन् । त्यसबेलाका मेसु यादवले औषधि उपचारको सम्पूर्ण खर्च बेर्होर्ने आश्वासन दिएका थिए ।
पीडित महतोसोही अस्पतालमा भर्ना भएर उपचार गराइरहेका थिए । २८ चैतमा मेसु डा। नागेन्द्र यादवको राजविराजस्थित गणेजन्द्रनारायण सगरमाथा अस्पतालमा सरुवा भयो । उनी अहिले त्यहाँका निमित मेसु छन् ।
घाउ बल्झिदा महतोलाई भने सिरहा अस्पतालले १८ वैशाखमा विपी कोइराला स्वास्थ्य विज्ञान प्रतिष्ठान धरान रेफर गरिदियो । दाहिने घुँडाको तीन ठाउँमा डढेको घाउ निको भएपनि देब्रे घुँडाको घाउ अहिलेसम्म निको भएको छैन ।
उपचारमा हालसम्म तीन लाख रुपैयाँ खर्च भइसकेको रामबाबु बताउँछन् । स्थानीय एक पेट्रोल पम्पमा काम गरेर जीवीकोपार्जन गर्ने रामबाबु उल्टै उपचारको क्रममा ऋणको भारी बोक्न बाध्य भएको बताउँछन् ।
क्षतिपूर्ति र लापरबाही गर्ने चिकित्सकलाई कारबाहीको माग गर्दै घुँडामा भएको घाउ बोकेर उनी न्यायको लागि भौतारिरहेका छन् ।
३३ लाख क्षतिपूर्तिसहित कारबाहीको माग
मेसुसहित चिकित्सको चरम लापरबाहीले आफ्नो यस्तो अवस्था आएको भन्दै पीडित रामबाबुले हालसम्म आफ्नो फिस्टुलाको घाउ पनि निको नभएको गुनासो गरेका छन् । ‘फिस्टुलामा अहिले पनि समस्या छ र निको भएको छैन । फिस्टुलाको उपचार गर्न गएकोमा सोको उपचार राम्रोसँग भएन बरु बढ्यो भने मलाइ खुट्टामा विपक्षीहरुवाट लापरबाही गरेर जलाएर झनै कडा रोगको सिकार भएको छु,’ उनको जाहेरीमा उल्लेख छ ।
उनले उपचार गराउन लागेको खर्च, अगामी दिनमा लाग्ने खर्चसहित १३ लाख र उपचारमा लापरबाही गर्ने मेसुसहित चिकित्सकबाट २० लाख गरी ३३ लाख रुपैयाँ क्षतिपूर्ति दिलाइदिन जाहेरीमा माग गरिएको छ ।
‘उपचारमा रु ७ लाख खर्च भएको र ६ लाख अब लाग्ने भएको र क्षतिपूर्तिबापत २० लाख गरी जम्मा ३३,००,०००र( विपक्षीहरुबाट दिलाई पछि रोग बढेमा सोको समेत उपचार गराई लापरबाही साथ सो कार्य गरेकोले निज विपक्षीहरुलाई हदैसम्म कैद सजाय गरी पाउँ,’ जाहेरीमा लेखिएको छ ।
लापरबाही भएको पुष्टि
रामबाबुले सूचनाको हक प्रयोग गरी आफ्नो शल्यक्रियासहितको उपचारको कागजात अस्पतालबाट लिएका छन् । जसमा शल्यक्रियाको क्रममा त्रुटि भएको रेडर्कडमा पाइएको छ । जसमा ६ गते नै शल्यक्रिया भएको लेखिएको छ भने ७ गते शल्यक्रिया गर्न दिइने एनेसथेसियाले बेहोस गरेको देखिन्छ ।
शल्यक्रियामा अस्पतालमा विज्ञ डाक्टरले अपरेसन गर्नु पर्नेमा बिचैमा सर्जन मेसुले छोडेर गएको र असम्बन्धित एमबीबीएस डाक्टर सन्तोष गोइतले शल्यक्रिया गरेका छन् । जसमा उनको हस्ताक्षर छ ।
प्रतिक्रिया दिनुहोस्