काठमाडौं ७ जेठ । नेकपा एमालेका नेता विष्णु रिमाललाई धरान उपमहानगरपालिकाका नगर प्रमुख हर्कराज राई सम्पाङले गुईँठेको संज्ञा दिएका छन् । शनिबार एमाले नेता रिमालले उनलाई बौलाहा भने पछि उनले सामाजिक सञ्जालमा लेख्दै रिमाललाई गुईँठेको संज्ञा दिएका हुन् । रिमालले शनिबार एक कार्यक्रममा  बोल्दै पार्टी कार्याकर्ताहरुलाई निर्देशन दिँदै केपी ओलीको फेसबुक पेजमा लाइक आएन तर काठमाडौ्रको मेयर, धरानको बौलाहा टाइपको मेयर र स्वतन्त्र पार्टीको सभापतिको फेसबुक पेजमा धरै लाइक आएको बताएका थिए ।
रिमालले यस्तो बताए पछि आइतबार बिहानै हर्क साम्पाङले रिमाललाई इंगित गर्दै लेखेका छन्–‘बिष्णु रिमाल कि खोइ के भन्ने गुइँठेले के भने भन्ने कुराको प्रतिवाद गर्दिन म ।  रिमाललाई के भन्ने विष्यमा आफ्ना समर्थक र शुभ चिन्तकलाई छाडीदिने भन्दै उनले लेखेका छन्–‘मेरा समर्थक र शुभचिन्तक सार्वभौम नेपाली जनतालाई छोड्दिन्छु   ‘