काठमाडौं, १३ फागुन । शुभ गृह ईन्स्टिच्युट एन्ड कन्सल्टेन्सीले सञ्चारकर्मी सुरज सिंह ठकुरीलाई ब्राण्ड एम्ब्यासेडर बनाएको छ ।राजधानीमा एक कार्यक्रमको आयोजना गरी चर्चित सञ्चारकर्मी ठकुरीलाई ब्राण्ड एम्बेष्डर बनाइएको घोाषणा गरिएको हो ।
कार्यक्रमलाई सम्बोधन गर्दै सुरज सिंह ठकुरीले भने, “शिक्षा वा सामान्य जीवनमा सफल हुनको लागि आफ्नो दृढ संकल्पको शक्तिमा विश्वास गर्नुपर्छ भन्ने मेरो मान्यता छ । यदि तपाईले यसलाई लगनशीलता र वास्तविकतासंग जोड्नुभयो भने कुनै पनि कुरा असम्भव छैन ।”
उनले यस लगनशील टीमको हिस्सा हुन पाउँदा उत्साहित रहेको र विद्यार्थीहरुलाई शुभगृहमा उनीहरुको लक्ष्य प्राप्त गर्न सहयोगका लागि तत्पर रहेकोले बताए ।शुभ गृह ईन्स्टिच्युट एन्ड कन्सल्टेन्सीका सिइओ सुभेन्द्र थापाले सन् २०१४ देखि निरन्तर रुपमा अष्ट्रेलिया, क्यानाडा, युके, अमेरिका अध्ययनका लागि आउने विद्यार्थीहरु, नेपाली समुदाय र अन्तराष्ट्रिय विद्यार्थीह्रुलाई समेत उचित शैक्षिक परामर्शका साथैं माईग्रेसन, भिसा, ईन्सुरेन्स लगायतका बिषयहरुमा सेवा प्रदान गर्दै आईरहेका जानकारी गराएका थिए ।
कन्सल्टेन्सीबाट प्रत्येक बर्षमा करिब २०० जनाले लाभ लिएका छन । ‘जेन्युन सिन्स २०१४’ को नारा बोकेको शुभगृहले विद्यार्थीहरुलाई उचित सहयोग र परामर्श प्रदान गर्ने, उनीहरुको बौद्धिक जिज्ञासालाई उत्प्रेरित गर्ने विश्वव्यापी मान्यता र सहकार्यको संस्कृतिलाई बढावा दिइ आफ्नो सेवा प्रदान गरिरहेको छ ।
शुभगृह इन्स्टिच्युट एण्ड कन्सल्टेन्सीका प्रबन्ध निर्देशक सुभेन्द्र थापाले भने, “विश्वभर धेरै विकल्पहरु बढे संगै नेपाली विद्यार्थीहरुसंग उच्च शिक्षा हासिल गर्न पहिलेभन्दा धेरै जानकारी र स्रोतहरु पनि बढेका छन् । संसारमा मान्यता प्राप्त उच्च शिक्षा हासिल गर्ने नेपाली विद्यार्थीहरुको विश्वव्यापी उपस्थितिले उनीहरुको क्यारियरको लागि उत्कृष्ट प्लेटफर्म सिर्जना गर्नेछ भन्ने मेरो अनुमान छ । शुभगृहमा हाम्रो लक्ष्य भनेको नेपाली विद्यार्थीहरुलाई अहिले र भविष्यमा उच्च स्तरको अन्तर्राष्ट्रिय शिक्षामा पहुँच प्राप्त गर्न सक्षम बनाउनु हो ताकि उनीहरुले आफ्नो देश र विश्वको विकासमा योगदान दिन सकून् ।”
शुभगृहमा संस्थापक श्रीमती सुगन्ध थापाले आवेदकहरुको लक्ष्य जेसुकै रहे पनि कम्पनीले उनीहरुलाई आफ्नो लक्ष्यमा पुग्नको लागि सही बाटो प्रदान गर्ने विश्वास व्यक्त गरिन ।
शुभगृह अष्ट्रेलिया, क्यानडा, युरोप, बेलायत र अमेरिकामा केन्द्रित रहेको शैक्षिक संस्था र परामर्शदाता हो। यसले नेपाली विद्यार्थीहरुलाई उनीहरुको शैक्षिक लक्ष्यहरु प्राप्त गर्न मदत गर्नमा महत्वपूर्ण भूमीका खेलेको छ र सही मार्गदर्शन प्रदान गरे वापत धेरै अन्तर्राष्ट्रिय कलेजहरुबाट “उत्कृष्ट परामर्शदाता पुरस्कार प्राप्त” गरेको छ ।
प्रतिक्रिया दिनुहोस्