काठमाडौँ, २३ बैशाख । मोरङको बेलबारीमा राप्रपाका उम्मेदवार खेमप्रसाद गौतमको कारमा आगजनी भएको छ । राप्रपाबाट मेयर पदका लागि उम्मेदवार रहेका खेमप्रसाद गौतमको गाडीमा आगजनी भएको प्रहरीले जनाएको छ । घरमै पार्किङ गरेर राखेको बा १२ च ९३८४ नम्बरको कारमा बिहिबार राती आगजनी भएको इलाका प्रहरी कार्यालय बेलबारीका प्रहरी उपरीक्षक शान्तिराज कोइरालाले जानकारी दिनुभयो ।
बेलबारी नगरपालिका-२ का खेमप्रसाद गौतम होटल व्यवसायी पनि हुनुहुन्छ । घटनामा संलग्न भएको आरोपमा इलाका प्रहरी कार्यालय बेलबारीले मोरङ सुन्दरहरैंचा नगरपालिका-१२ का २८ वर्षीय सुवास पाण्डेलाई पक्राउ गरेको छ । प्रहरीको नियन्त्रणमा रहेका पाण्डे नेपाली कांग्रेस निकट हुन् । कारमा पेट्रोल छर्किएर आगो लगाइएको सीसी क्यामेरा फुटेजमा देखिएको प्रहरीले जनाएको छ ।
प्रतिक्रिया दिनुहोस्