काठमाडौं । नेपाली कांग्रेसको १४ औं महाधिवेशन अन्तर्गतको प्रदेश अधिवेशनमा पार्टीभित्रका तीनै समूह प्रतिस्पर्धामा उत्रिएका छन् ।
मुलुकमा संघीयता लागू भएपछि नेपाली कांग्रेसले पहिलो पटक प्रदेश अधिवेशन गर्न लागेको हो । प्रदेश कार्यसमितिको नेतृत्वका लागि मुख्यतया संस्थापनको नेतृत्व गरिरहेका सभापति शेरबहादुर देउवा र वरिष्ठ नेता रामचन्द्र पौडेल समूह प्रतिष्पर्धामा छ । यद्यपि १३ औं महाधिवेशनबाट कांग्रेसमा ‘तेस्रो धार’ का रुपमा देखिएको पूर्वमहामन्त्री कृष्णप्रसाद सिटौला समूह पनि प्रदेश कार्यसमितिको नेतृत्व लिन प्रयासरत छ ।
प्रदेश कार्यसमितिको नेतृत्वका लागि यो समूहले नेता सिटौलाको गृह प्रदेश १ मा संस्थापनस“ग तालमेल गरेको छ । सिटौला समूहले प्रदेश १ मा संस्थापन समूहस“गको तालमेलमा झापाका निवर्तमान अध्यक्ष उद्धव थापालाई सभापतिका रुपमा अघि सारेको छ । प्रदेश १ मा थापास“ग चुनावी प्रतिस्पर्धाका लागि पौडेल समूहले केन्द्रीय सदस्य गुरुराज घिमिरेलाई मैदानमा उतारेको छ । संस्थापन समूहस“ग प्रदेश १ मा सिटौला समूहले तालमेल गरे पनि बागमतीमा भने तीनवटै समूह प्रतिष्पर्धामा उत्रिएका छन् । बागमती प्रदेश सभापतिका लागि संस्थापन समूहले पूर्व गृह राज्यमन्त्री इन्द्रबहादुर बानिया“, पौडेल समूहले नुवाकोटका निवर्तमान सभापति जगदिश्वरनरसिंह केसी र सिटौला समूहले पूर्व रक्षामन्त्री भीमसेनदास प्रधानलाई अघि सारेको छ । गण्डकीमा संस्थापनले अर्जुनप्रसाद जोशीलाई र पौडेल समूहले शुक्रराज शर्मालाई उम्मेदवार बनाएको छ । यस्तै लुम्बिनी प्रदेशमा संस्थापन पक्षीय भरत शाह र पौडेल पक्षीय अमरसिंह पुन प्रतिष्पर्धामा छन ्।
कर्णाली सभापतिका लागि पौडेल समूहले युवा नेता भुपेन्द्रजंग शाहीलाई अघि सारेको छ । त्यहा“ संस्थापन समूहबाट ललितजंग शाही अघि सरेका छन् । सुदूरपश्चिम प्रदेशमा संस्थापनबाट केन्द्रीय सदस्य वीरबहादुर बलायर सभापतिमा प्रस्ताव गरिएको छ । सभापति शेरबहादुर देउवाको गृहप्रदेशमा पौडेल समूहस“ग सहमति हुने भनिए पनि त्यो सम्भव भएन । पौडेल समूहले भने नाम टुंग्याउन बा“की छ । सर्लाहीमा विवाद देखिएपछि प्रदेश २ मा भने अधिवेशन प्रभावित भएको छ । प्रदेश २ मा विवादका कारण शुक्रबार मनोनयन रोकिएको छ । केन्द्रीय निर्वाचन समितिका अनुसार सर्लाहीमा शुक्रबार प्रदेश र प्रतिनिधिसभा क्षेत्रीय अधिवेशन सकेर शनिबार मनोनयन दर्ता कार्यतालिका निर्धारण गरिएको छ ।
प्रतिक्रिया दिनुहोस्