काठमाडौं उपत्यकाका तीन वटै जिल्ला प्रशासन कार्यालयले ५ महिनादेखि जारी निषेधाज्ञा हटाएका छन् तर अर्को एक आदेश जारी गर्दै निषेधाज्ञामा गरिएका रोकको व्यवस्था भने जारी राखेका छन् । बुधबार जिल्ला प्रशासन कार्यालय काठमाडौं आदेशसहितको विज्ञप्ति जारी गर्दै यसअघि निषेधाज्ञामा लगाएका रोक यथमवत् नै रहेको उल्लेख गरेका छन् । ती आदेशहरू बिहीबारदेखि भदौ मसान्तसम्म लागू हुनेछन् । बुधबार काठमाडौं
उपत्यकाका तीन जिल्लाका प्रमुख जिल्ला अधिकारी बसेर सो आदेश जारी गरेका हुन् । यसअघि शैक्षिक संस्थाहरूले भौतिक उपस्थितिमा पठनपाठन गर्न पाइदैन थियो। अहिले पनि भौतिक उपस्थितिमा पठनपाठन नगर्न भनेको छ भने गर्नैपर्ने अवस्थामा स्मार्ट लकडाउनको प्रावधान भित्र रहेर कोभिड १९ संकट व्यवस्थापन केन्द्रस“ग समन्वय गरी विद्यालयहरु सञ्चालन गर्न सक्ने व्यवस्था गरिएको छ । त्यस्तै जुलुस, सभा जस्ता भीडभाड हुने कार्यक्रम गर्न रोक लगाइएको छ भने जात्रा, पर्व आदि स्वास्थ्य सुरक्षा मापदण्ड पालना गरी सांकेतिक रुपमा मात्र मनाउन भनिएको छ । त्यसैगरी पसल, रेष्टुरेन्ट, होटल लगायत व्यवसायहरू सञ्चालन गर्न पाइने भएको छ । ढुवानीको हकमा भने प्रशासनले समय सीमा तोकेको छ ।
स्थानीय ढुवानीको हकमा बिहान बिहान ९ बजेदखि ११ बजेसम्म र अपराह्न ४ बजेदेदेखि ७ बजे सम्म गर्न पाइनेछ।सार्वजनिक तथा निजी निर्माण कार्यको लागि निर्माण सामग्री ढुवानीको लागि भने बेलुका ९ बजेदेखि बिहान ५ बजेसम्म संचालन गर्न पाउने छन् ।
प्रतिक्रिया दिनुहोस्