काठमाडौं । शनिबार थप ३ हजार २१८ जनामा कोरोना भाइरसको संक्रमण पुष्टि भएको छ ।स्वास्थ्य तथा जनसंख्या मन्त्रालयले अपडेट गरेको पछिल्लो विवरण अनुसार १३ हजार ५७३ जनामा गरिएको परीक्षणमा यतिको संख्यामा संक्रमित थपिएका हुन् ।
८ हजार ८६६ जनामा पीसीआर परीक्षण गर्दा २ हजार २३१ जनामा संक्रमण पुष्टि भएको छ । यस्तै ४ हजार ४०७ जनमा गरिएको एन्टिजेन परीक्षणमा ९८७ जनालाई संक्रमण भएको छ ।
पछिल्लो २४ घण्टामा १ हजार ७२२ जना संक्रमित निको भएका छन् । यसै अवधिमा १९ जनाको मृत्यु भएको छ ।नेपालमा आज ३५ हजार ४३२ जना सक्रिय संक्रमित रहेका छन् । जसमध्ये होम आइसोलेसनमा ३२ हजार २७ जना रहेका छन् भने संस्थागत आइसोलेसनमा ३ हजार ४०५ जना रहेका छन् । विभिन्न क्वारेन्टिन केन्द्रमा ४४३ जना रहेको मन्त्रालयले जनाएको छ ।
प्रतिक्रिया दिनुहोस्