काठमाडौं, ४ साउन । प्रधानमन्त्री शेरबहादुर देउवाले अमेरिकाबाट अनुदान प्राप्त कोरोनाविरुद्धको जोन्सन एन्ड जोन्सनको खोप लगाउने कार्यको जोरपाटीबाट शुभारम्भ गरेका छन् ।
स्वास्थ्य मन्त्रालय समेत सम्हालेका प्रधानमन्त्री प्रधानमन्त्री देउवाले जोरपाटीस्थित खगेन्द्र नवजीवन केन्द्रमा स्वास्थ्यकर्मीलाई खोप हस्तान्तरण गरेर शुभारम्भ गरेका हुन । उनले खोप केन्द्रको निरिक्षण समेत गर्दै भीडभाड नगरी खोप लगाउन निर्देशन दिए । देउवाले खोप केन्द्रको उचित व्यवस्थापन गरेर खोप लगाउन निर्देशन दिए ।
जोरपाटीको खोप केन्द्रमा तिब्बती शरणार्थीले पनि खोप लगाउने जनाइएको छ । देउवाले वीर, पाटन, शिक्षण अस्पताल लगायतका अन्य खोप केन्द्रको समेत निरिक्षण गरेका छन् । कार्यक्रममा नेपालका लागि अमेरिकी राजदूत ¥याण्डी बेरी पनि सहभागी भएका थिए । जोन्सन एन्ड जोन्सनको कोभिड खोप आजदेखि ७७ वटै जिल्लामा लगाउन थालिएको हो । यो खोप एक पटक लगाए मात्रै लगाए पुग्नेछ । स्वास्थ्य तथा जनसंख्या मन्त्रालयले असान ४ देखि ६ गतेसम्म जोन्सन एण्ड जोन्सनको खोप लगाउन लागेको बताएको छ । खोप आजबाट ५० देखि ५४ वर्ष उमेर समूहका व्यक्ति, अपांगताको क र ख वर्गको परिचयपत्र पाएका व्यक्ति, नेपालमा बसोबास गरिरहेका शरणार्थी, सफाइकर्मी लगायतलाई दिन सुरु गरिएको स्वास्थ्य मन्त्रालयले जनाएको छ । अमेरिकाबाट गत सोमबार जोन्सन एन्ड जोन्सनको १५ लाख ३४ हजार ८५० डोज खोप नेपाल आइपुगेको हो ।
प्रतिक्रिया दिनुहोस्