काठमाडौं, २६ असार । नेकपा एमालेको विवाद समाधान कार्यदलको बैठक आज पनि विना निष्कर्ष सकिएको छ । कार्यदलका सदस्य गोकर्ण बिष्टका अनुसार अब केही दिनमा सहमति हुनेछ । ‘हामी लगभग सहमतीको चरणमा पुगेका छौं । भोली एउटा सार्थक सन्देश दिनछौं,’ बिष्टले सञ्चारकर्मीसँग भन्नुभयो । शनिबार सिंहदरबारमा बसेको बैठकमा मिल्न बाँकी विषयमा छलफल भएको थियो । पार्टी एकतामा समस्या के थिए ? कसरी समाधान गर्ने ? भन्ने छलफल भएको भन्दै कार्यदलका सदस्य गोकर्ण विष्टले भन्नुभयो , ‘भोलि सुखद समाचार सुन्न पाउनुहुन्छ ।’ लामो समयदेखि अनौपचारिक सम्वादमा रहेका दोस्रो तहका नेताहरुले सोमबारदेखि कार्यदल स्तरमा छलफल गरेका थिए । पछिल्ला दिनहरुमा नेताहरुले सहमति नजिक पुगेको दाबी गरेपनि सर्वोच्च अदालतमा विचाराधीन संसद विघटनको मुद्दामा के गर्ने भन्ने समझदारी बन्न सकेको छैन ।
Accuracy, Balance & Credibility - JOURNALISM
प्रतिक्रिया दिनुहोस्