विराटनगर, १६ माघ । नेपाल कम्युनिस्ट पार्टी (नेकपा) प्रचण्ड नेपाल पक्षका अध्यक्ष माधवकुमार नेपालले प्रधानमन्त्री केपी शर्मा ओली निर्वाचन आयोगको निर्णय संगै ओराला लागि सकेको बताउनुभयो । पार्टीले आज विराटनगरमा आयोजित विरोधसभालाई सम्बोधन गर्दै नेपालले निर्वाचन आयोगले ओलीलाई धक्का दिएसँगै ओलीको भविश्य ओरालो लागेको दावी गर्नुभयो । अध्यक्ष नेपालले निर्वाचन आयोगले १५ सय १ लाई अमान्य भन्दै ओलीको पार्टीलाई सडकछाप बनाईदिएको समेत उहाँले बताउनुभयो ।

उहाँले भन्नुभयो ‘आयोगले तपाईँको सडक छाप पार्टी १५ सय १ को काम छैन भन्यो,’ ‌। ओली पक्षलाई गुटको संज्ञा दिंदै ओली गुटमा गुटको अहिले विजोग भइरहेको उहाँले दावी गनुभयो । उहाँले केपी ओली नेतृत्वको पार्टी न घरको न घाटका भएको आरोप लगाउँदै केपी ओलीले कहिल्यै रचनात्मक काम गर्न नसक्ने पनि दाबी गर्नुभयो । अध्यक्ष नेपालले ओलीले पार्टीमा तमासा गरेको आरोप आरोप लगाउँदै प्रथम अध्यक्ष दाबी गर्ने ओलीले नै पार्टीको अनुशासन उल्लंघन गरेको बताउनुभयो । ‘पार्टीभित्र कसैले तमासा गरिरहेको छैन। आफूलाई प्रथम अध्यक्ष भन्ने अनि पार्टीको अनुशासन उल्लंघन गर्नेरु कम्युनिस्ट पार्टीको क ख‘ पढेकाले पनि भन्न सक्छ अनुशासन भनेको के भनेर।’ ओलीले बाटाबाटामा डमरु बजाउँदै आउनुस् केन्द्रीय सदस्य लिनुस् भनेको नेपालले आरोप लगाउनुभयो । उहाँले पार्टीमा तमासा देखाएर नपुगेर ओलीले संविधानकै घाँटी निचोरेको समेत बताउनुभयो । आफूले नयाँ समाजको निर्माण गर्न चाहेको नेपालले बताउनुभयो।

कसैले ओलीको भ्रमलाई पत्याउन नहुने नेपालको भनाई छ । नेपालले नेकपाको अन्तरविरोध पदको नभएर विचारको लडाइ भएको बताउँदै पार्टी कस्तो बनाउने लडाई पनि भएको बताउनुभयो । ‘केपीलाई पार्टीको मतलब छैन,’ ‘लोकतन्त्र सिध्याउन लाग्नुभएको छ। उहाँलाई समावेशीतासँग अरुचि छ। उहाँ बनाउने होइन बिगार्ने काम गर्नुहुन्छ। हामी बनाउने कामममा हामी जुटेका छौं। हामी र केपी ओलीमा आकाश पातलको फरक छ।’ उहाँले भन्नुभयो । केपी ओलीलाई नवौं महाधिवेशनमा जिताउनु पार्टीको कमजोरी भएको उहाँको भनाई छ। उपाध्यक्ष वामदेव गौतमले समेत ओलीलाई जिताउनु गल्ती भएको स्वीकारेको नेपालले बताउनुभयो । ‘केपी ‌ओलीलाई जिताएमा पार्टीमा दुर्दशा हुन्छ भनेको थिएँ। बामदेवले भनिरहेका छन्। कस्ता मानिसलाई जिताइएछ,’ उहाँले भन्नुभयो।