काठमाडौं २० मंसिर । यता, पार्टीका भातृ संगठनको गुट भेला भइरहेका बेला नेकपाका नेताहरु भने पार्टीभित्रको विवाद समाधानका लागि दौडधूप गरिरहेका छन् । आज सचिवालय सदस्य तथा उपप्रधानमन्त्री ईश्वर पोखरेल र अध्यक्ष पुष्पकमल दाहाल प्रचण्डबीच खुमलटारमा छलफल भएको छ भने महासचिव विष्णु पौडेल र संसदीय दलका उपनेता सुवास नेम्वाङले पनि बिहीबार प्रचण्डस“ग छुट्टाछुट्टै भेट गर्नुभयो ।
नेपाल कम्युनिष्ट पार्टी एकताको रक्षा गर्दै नेकपाभित्र देखा परिरहेका विभिन्न संकट एवम् समस्या समाधानका लागि पछिल्लो समय प्रधानमन्त्री तथा अध्यक्ष केपी शर्मा ओली र कार्यकारी अध्यक्ष पुष्पकमल दाहाल प्रचण्ड पक्षबीचको शिर्ष नेताहरुले एकअर्का पक्षका नेताहरुलाई भेट गरि पार्टी विवाद समाधानका विषयमा उपाय खोज्ने क्रम जारी छ । शुक्रबार सचिवालय सदस्य एवम् उपप्रधानमन्त्री ईश्वर पोखरेल खुमलटार पुगि अध्यक्ष प्रचण्डस“ग छलफल गर्नुभयो । यस्तै महासचिव एवम् अर्थमन्त्री विष्णु पौडेल र संसदीय दलका उपनेता सुवास नेम्वाङले पनि अध्यक्ष प्रचण्डस“ग छुट्टाछुट्टै भेट तथा छलफल गर्नुभएको छ । यसअघि नेताहरुको बीचमा अनौपचारिक छलफल, अन्तरक्रिया र संंवादका प्रक्रिया अगाडी बढाइनु उपयुक्त हुने भन्दै नेकपा बैठकले निर्णय गरेको थियो । यसका साथसाथै औपचारिक छलफलका प्रक्रिया पनि अगाडी बढाइने नेकपा प्रवक्ता नारायणकाजी श्रेष्ठले बताउनुभयो ।
पछिल्लो समय प्रधानमन्त्री तथा अध्यक्ष ओली र कार्यकारी अध्यक्ष प्रचण्डले शीतल निवास पुगेर राष्ट्रपति विद्यादेवी भण्डारीस“ग पनि छुट्टाछुट्टै भेटवार्ता गर्नुभएको छ । भेटवार्ता बारे केही नखुलाइए पनि नेकपाभित्रको विवाद मिलाउन राष्ट्रपतिले पहल गर्नुभएको बताइएको छ । बुधबार बसेको सचिवालय बैठकमा प्रधानमन्त्री ओली उपस्थित नभएपछि नेकपाभित्रको विवाद झन् बढेको छ । अर्को बैठक शनिबारको लागि बोलाइएको छ । शनिबार सचिवालय बैठक बस्नुअघि सहमतिको लागि अनौपचारिक छलफल हुने नेताहरुले बताएका छन् । तर यसबीचमा सहमतिको प्रयास भन्दा दुवै पक्ष आ–आफ्नो रणनीति बनाउन व्यस्त छन् । समस्याहरुको कारणको पहिचान गर्दै पार्टीको समस्याको समाधान गर्ने दिशातर्फ जानेगरि छलफल अगाडी बढाउने प्रयत्न निरन्तर रहेको पार्टी प्रवक्ता श्रेष्ठले बताउनुभयो ।
नेकपा अध्यक्षद्धय ओली र प्रचण्डले राख्नुभएका छुट्टाछट्टैु प्रस्तावहरु र एकअर्कामा गुम्सिएका असन्तुष्टिहरु समेत बैठकमार्फत छिनोफानो हुनुपर्ने नेकपा वरिष्ठ नेता माधव कुमार नेपाल बताउनुहुन्छ । स्थायी समितीले टुंगो नलगाए केन्द्रिय कमिटीले अनिवार्यरुपमा टुंगो लगाउनैपर्छ भन्ने भनाई वरिष्ठ नेता नेपालको छ । दुइ पार्टी एकीकरण हुदा न्यूनतम आधारहरुमा समेत नटेकिएको भन्दै वरिष्ठ नेता नेपालले महाधिवेशन गर्ने आधार समेत नभएको बताउनुभयो ।
नेकपामा प्रचण्ड–माधव पक्ष्ँ भने सहमति र बहुमतको आधारमा पार्टीका समस्याहरुलाई समाधान गर्नुपर्नेमा र ओली पक्षले भने दुवै पक्षको प्रस्ताव फिर्ता लिइ साझा प्रस्तावसहित अगाडी बढ्नुपर्नेमा जोड दिइरहेका छन् । पछिल्लो समय भएको नेकपाका शिर्ष नेताहरुबीचको द्धिपक्षीय छलफल, बहस एवम् कुराकानीहरुले भोली शनिबार दिउ“सो १ बजे बस्ने सचिवालयको बैठक अगाडी नैसमझदारी हुने झिनो आसा भने पलाएको छ ।
प्रतिक्रिया दिनुहोस्