Accuracy, Balance & Credibility

रौतहटको शक्तिपिठहरुमा निषेधाज्ञा जारी

abc

रौतहट, १ कार्तिक । रौतहटमा रहेका विभिन्न शक्तिपिठहरुमा निषेधाज्ञा जारी गरेको छ । जिल्ला प्रशासन कार्यालय रौतहटले जिल्लामा रहेका शक्तिपिठहरुमा मानिसहरुको भिडभाड हुन सक्ने भएकाले कोरोना महामारीले भयवह स्थिति आउन सक्ने भन्दै सो क्षेत्रमा निषेधाज्ञा गरिएको हो ।

घटस्थापना देखि नवमीसम्म शक्तिपीठ, मन्दिरहरुमा नित्य पूजा बाहेक दर्शनको लागि जमघट हुन नदिन सूचना जारी गरेको छ । कोरोना संक्रमणको फैलदो जोखिमलाई मध्यनजर गर्दै सबै शक्ति पीठ तथा मन्दिरहरुमा नित्य पूजा बाहेक जमघट नहुने, परिवारजनबीच मात्र दसैं मान्ने र जात्रा, मेलाहरु नगर्न निषेधाज्ञा जारी गरेको हो ।

जिल्ला प्रशासन कार्यालय रौतहटले कुनै पनि भेला जमघट नगरी घरमै बसेर चाडपर्व मनाउन अनुरोध गर्दै पर्वको शुभकामना आदान प्रदान, देउसी भैलो, खेलकुद लगायतका सबै क्रियाकलाप संचालनमा बन्देज लगाएको जनाइएको छ ।

विश्वव्यापी महामारीको रुपमा फैलिएको कोभिड १९ को संक्रमण चाडबाडको बेला झनै फैलिने खतरा रहेकोले सोको नियन्त्रण गर्न निषेधाज्ञा जारी गरिएको प्रमुख जिल्ला अधिकारी इन्द्रदेव यादवले बताउनुभयो । चाडबाडका बेला धार्मिक, सामाजिक, साँस्कृतिक सद्भाव बिथोल्ने गतिविधि नगर्न, ध्वनि प्रदुषण हुने गरी चर्को स्वरमा माइक नबजाउन, जुवा तास नखेल्न समेत अनुरोध गरेको छ ।